Vancung Tiang Thlen

March 15

Nipi Ni

Vancung Tiang Thlen

 Siar: Rom 8:18-27

  Ziangtinso thla kan cam ding ti hman kan theih lolai ah, hmurkaa hman in sim suak thei lomi kan hrum-ainak thawn Thlarau in kan hrangah Pathian hnenah in dil sak.    -Rom 8:26

 Kumkhat Sung Baibal:          Daan. 26-27          Mark 14:27-53

 Nauhak pawl an nu le pawl ih zoh duh ah an hnenlam ah an zaa an san ka hmuh in Pathian hnen thleng dingin thla ka camnak ka vun mang.

Hmaisabik kawhhran in kum tar pawl ih ttuanvo cu duhdawtnak le thlacamnak a si an ti. Cumi pahnih lakah duhdawt ding cu a harbik ih thlacam ding cu a hnokbik ti’n ka hmu. Ziangbik teu hrangah thla ka cam ding ti ka thei lo. Mi pawl kha an harsatnak ihsin luatter dingah maw, asilole an harsatnak cem dingah maw? Asilole harsatnak tuar thei dingah raltthanak hrangah ka cam ding?

Paul ttongkam, “Kannih cu a ttawnttaimi kan si ruangah kanmah bawm dingah Thlarau a ra” (Rom 8:26) timi in i hnem. Pathian ih Thlarau cu thla kan cam tikah in ra telpi. Hrum-ainak thawn Thlarau in kan hrangah Pathian hnenah a dil. Kan harsatnak in Amah thin a pemter. In ruat ih in kilkhawi. Amah in, “Pathian duhzawng in thla in cam sak” (c. 27). Amah in kan ttulmi dil ding a thei.

Cuhrangah kan dil duh cekci vek kan ngah lo khal le phaan ding a um lo. Amah in in fingkhawi ti thei in Amah haal ding le A hnen thlacam ding lawng a ttul.

                                                                                 Oh Pathian, ttong ding thei loin ka derdai,

Hniksaknak ruangah hma hliam in;

Na Thiang Thlarau in thlacam i bawm,

Ka ttong thei lo hmanah hrum-ainak aw i pek.

 

Thinlung takin ttong loin thlacam cu

thinlung tak loin ttong men ih thlacam hnakin a ttha sawn.

(Visited 20 times, 1 visits today)

Comments

comments

Comments

%d bloggers like this: