Vancung Ramtthen Fate

May 10

TlawngkaiNikhat

Vancung  Ramtthen Fate

Siar:

Suahlannak 25:1-9

Nannih cu Pathian Biakinn nan si ih A Thlarau nan sungih a um kha nan thei lo maw?    -1 Korin. 3:16

Kumkhat Sung Baibal:

–   2 Siangpahrang 10-12

–    Johan 1:29-51

Kan dung zarh hnih hrawngah ka nupi in a mawttawka thlun ttultu nunau pakhat a tong ih Pathian hnen in a si ding tiih a ruah ruangah a thlennak ding hmun tiang thlah dingin a phur. Cu nu in zumtu asinan riit theimi sii hmangin a buai thu mawttaw car parah ka nupi cu a sim. Ka nupi in a ngai sak ih hmailam hrangah a ttha sawnmi ruahsannak a pek ruangah cu nu cu leilung parah vancung ramtthen fate a tong ngah tiah ka zum.

Pathian in Moses kha amai’ sim vekin “Puanthlam Biakinn” sak ding a sim tikah a minung pawl in Amah ih umpinak an theihnak dingah a si. Cumi cu leilung parih vancung ramtthen fate a si tiah ka ruat. Biakinn cu leilung parah Pathian ih umpinak hmuh theihmi tahtthimnak thil pakhat a si (1Siang.5-8). Hih hmun thianghlim pawl ih tumtahmi cu Pathian cu A minung pawl lakih a umpi zia langternak a si. Pathian ih tumtahmi cu a famkim mi biakinn Jesuh Khrih kan lakih a um hi a si (John 1:14).

Jesuh vancung ih a kai tikah a dungthluntu pawl hnenah um in an sungih caam dingah Thlarau Thianghlim a run thlah (John 14:16-17) sannak cu leitlun ah Pathian ih puanthlam le biakinn pawl kan sinak dingah a si (1Kor.3:16; 6:19). Pathian ih umpinak ai-awhtu pawl kan si vekin vancung daihnak le ruahsannak leitlun ih midang pawl hnenah kengtu si uhsi!    – Marvin Williams

Ruat thuk dingmi:

Midang hrangah lo hmang dingin le

na innsang le na innhnen ah

Amah hrangah pum pek awk ding daan pawl

lo hmuh dingin Pathian dil aw.

Midang hrangah thil fate a ttuan duhtu Khristian cun

Pathian hrangah thil tumpipi a tuah thei ding.

(Visited 21 times, 1 visits today)

Comments

comments

Comments

%d bloggers like this: