Van Ih Laaksonak

May 16

Nipi Ni

Van Ih Laaksonak

Siar:

Tirhthlah 1:1-11

Cuti ih a sim ttheh tikah Jesuh cu an mit-hmuh rori ah van ah laakso a si ih mero in a phen ih an hmu thei nawn lo.     -Tirhthlah 1:9

Kumkhat Sung Baibal:

–   2 Siangpahrang 24-25

–    Johan 5:1-24

Ka rual nu ih pasal le ka hnattuanpi a si mi Dave a thih tikah a nunnak cu a hnen ihsin a hlo taa. Jesuh Khrih a thih tik khal ah cuvek a rak si. Sihmansehla nithum hnu ah thihnak in thawhter saal a si. A thawhsaalnak thu ah rinhlelhnak kan nei lo; ziangahtile nungcung in a hmutu tetti pawl an um.

Dave hngilh lonak biakkhawm kan tuah tikah amah cu vanram ih nunnak thar ah nuam in a um zo, ti kan ruahsannak nemhngettu Bible cang pawl kan siar. Cumi cu zumnak ih kan simmi a si; ziangahtile zohman in Dave van a kai thu tetti an um lo. Sikhalsehla Jesuh cu van ah laakso a silai rori a hmutu tetti an um.

Van a kailai a hmutu pawl ih tetti an khan (Tirh.1:9) hnu rei lo ah Stephen in, “Zoh hnik uh! vancung a ong aw ih Pathian vorhlam ah Mi Fapa a ding ka hmu,” (7:56) tiah a ti. Jesuh cu kan hrangah vancung ah innkhan rem dingin a feh (John 14:2) ti hi thudik a si, ti kan theihnak cu vancung ah Amah an hmu.

Kan duhdawt mi pakhatkhat in kanmah hlan ih vanram in fehsan tikah an fehnak hmun thawn a ralsan awmi tawp nei lo riahsiatnak kua ah dirhthlak vekin kan tuar ttheu. Pathian in Jesuh cu thihnak ihsin a thawhter saal ih van ih a laakso ding thutiamkam a pelh lo vekin, Amah a duhdaw ih a dung a thluntu pawl khal in thawhter saal ve ding ti kan rin thei.   – Julie Ackerman Link

Bawipa in kan hrang hmun rem dingin thu in tiam,

Hmun pakhat tlun vancung ah;

Kumkhua kan umnak ding inn pakhat,

Kan duhdawt mi pawl le Amah thawn. – Sper

Vanram in tiamkammi cu kumkhua kan ruahsannak a si.

(Visited 22 times, 1 visits today)

Comments

comments

Comments

%d bloggers like this: