USDP Party In Nitin Thuthang Suah Ding

journal-myanmarNAYPIDAW: Kawlram uknak ih thuneitu Union Solidarity and Development Party (USDP) cun, anmai party thawi pehparmi nitin thuthangca an suah tum thu party vice chairman Htay Oo cun Irrawady thuthang ah asim.

“Kawlram sung ah, April 1 ihsin private thuthangca zalen zet ih suah thei asi ni ihsin, USDP party khal in nitin thuthang kan suah ve ding. Cumi hrangah thil tawlrel tul ummi pawl cu tu ah kan tawlrel rero lai asi. Thuthang suah ti mi hi a harlo nan, mipi in ziangvek thuthang an duh, ziangvek kan suah ding timi lawng ah te a harzet. Curuangah kan theitawk in tanlak cu kan tum asi” ti in Htay Oo cun a sim.

NLD party khal in, zarhtin an suahmi an thuthangca D-Wave cu, zarhtin silo in, nitin suah an tum ve thu theih asi. USDP hin an party dinpek ah mi pakhat Ks. 1000 an rak khawng dah ih, cumi thuthawn pehpar khal in Htay Oo cun, “ Kan ramsung ah, member million khat kannei ih, kan zaten member luhnak kan pe asi ah cun kan party in paisa billion khat kan nei ding tinak asi mai. Cumi cu bank ah kan ret ih, party ih thiltul hrangah kan hmang vivo ding asi” ti in a sim bet.

(Visited 36 times, 1 visits today)

Comments

comments

Comments

%d bloggers like this: