USA President thar zo a si?

American mipi in president thar dingih an thlan Obama hi 1961, August 4 ah Honolulu, Hawaii, USA-ah Barack Hussein Obama II tih hmin keng in a suak, a pa hi  mi dum Kenya mi Barack Hussein Obama a siih Muslim sakhua thluntu a si, a nu cu mi ngo, Dunham a si.

A nu le pa hi (2) mi a si lai ah an then aw, a pa hi an ram, Keyna lam ah a tlung ih a nu cun a enkawl. Himi hnu ah hin a nu in pasal dang, Lolo Soetoro a nei ih a pasal ram Indonesia ah an sungkua in an cer, hinah Obama hi kum 10 mi a si tiang a um ih Honolulu ih a pi le pu hnen ah a um ih phunhra a kai lan ta. Obama hi phunhrang tlawng arak kai lai ah marijuana, cocaine (rihtheih thil) pawl arak tham ih cui a tham mi pawl in a nun a ti siat thu le asirawk thu pawl a rel.

Tui tum thlan awk hlan te tiang kuak a fawp. Cun An ni hi vorhlam ai in a kehlam kut a hmang thiam sawn. Basket ball hi leh nuam a ti ve mi pakhat a si. Apa in kum 1982 ah motaw accident in mual a liam san, a nu hi 1995 ah sul cancer ruangah a thi. A nauhak lai ih amah rak enkawltu bik a pi Madelyn Dunham cu thlanawk ni November 2 ah cancer natnak thawn kum 88 mi cun a thih san lala.

1983 ahkhan Columbia University ihsin BA a rak thehsuak, himi hin Haryard Law tlawng ihsin JD a theh lehsal bet. Kum 1990 ahkhan mi dum lakah Law Review president hna rak kai hmasabik dingin thlansuak a rak si. 1992, October 18 ah Harvard Law tlawng graduate, Michelle Robinson cu nupi ah a thi, tu ah hin fanu pahnih, Malia Ann (10) le Natasha (7) an nei. An sungkua in Hyde Park, Chicago ah an um ih United Church of Christ ah an um.

1991 ah Chicago civil Right Lawyer hna a tuan, 1992 ah US president candidate Bill Clinton hrangah Chicago ah vote registration drive tum bik hruaitu ah a rak tel. 1996, 19987 le 2002 ah Illionois state senate ah a tling. 2000 ah House of Representative ah an party aiawh ding ah vote malte in a zuam mi pa Bobby Rush a rak nehlo. 2004 ah Democratic National Convention ah thurelnak caan pek a si ahkhan thu rel thiam le mi neh thei tu tin mi kip ih theih a hlawh.

2004 November 2 ah US senate ding ah thlan tlin a si. 2007, February 10 ah Democratic party ai awh in President a cuhtum ti a phuang ih a zuam mi Hillary Clinton thawnn nasa zetin pawlsawm in an khawsa ih cumi hnu ih nehnak an co hnu ah tuikum August 28, 2008 ah Denver, Colorado ah Democratic National Convention ahkhan Party aiawh in president candidate asi ti thu official in a phuang.

American president dingah midum pawl an thlansuah hmaisabik cu a si. Obama hin cabu tla a rak ngan. 2004 ah cabu pathum mtd 1.9 man contract a rak nei. A hmaisabik ‘The Audacity of Hope’ a suah zo. Hi a cabu hmaisa sawn ah amai thuhla tampi a ngan. Politics lam ih a rak zuan luh daan pawl.

A pahnihnak sawn cu a innsang nu thawn an ngan tlang ding. Cun 1995 ih Harvard Law Review ih contract an rak neih cia bang in cabu a rak suah ih cumi cabu sung ahcun a nauhak lai ih a nu thawi an rak khawsat daan pawl a ngan ih an cithlah tu pawl a hawldaan pawl a ngan bet ih a bu hmin ah ‘Dreams From My Father’ ti a si.

Kum 2005 ah Time magazine cun leitlun minung lakih midang neh theitu nun nei lah ih 100 ah a telh ta. Obama hi mi lungruh, lung tum nei zet a si.

Comments

comments

Tags:

Comments

%d bloggers like this: