USA, Florida Ih Irma Thlipi Hrang A Huaisual


USA, Florida ah Irma thlipi cun nasa ngaiten a nuai thok ih mipi pawl mangbang le aanhai in an um.

Thlipi hrang hi a huaisual ih a cahlam 130 mph (209km/h) in a nuai ding tiin mi pawl ralrinak an than sal. Florida ih mipi 6.3 million lenglo pawl cu an hrang ih ṭihnung le thihnak tiang thlen thei ding dinhmun a si tiin an umnak hmun an suahsan ter.

Irma thlipi hi Florida thlanglam, tipithuanthum vaukam ihsin a hrawh thok dingih cutin saklam ah a pan ding tiin zum a si. Caribean vaukam a nuainak ruangah siatsuahnak rapthlak le mi 25 pawl in an nun khal an liam phah zo.

Thilpi ruangah mi 43000 in meisa ngahlo in an um zo ih 72000 in beunak hmun 390 ah an um. Hi thlipi hi thlipi ṭihnungnak lam ih tahin a ṭihnungbik category 4 tiang rori thleng in hmun hrekkhat ahcun 5 tiang hman a thleng.

Florida hmun ah kan Chin mi pawl khal an um. Hi thlipi ih a nuainak hmun le khuarel siattonnak hmun khalah an um ti kan thei. Chin mi ihsin mithli le hliam tuar an um cu tutiang theih a silo.

– Agencies

Comments

comments

Comments

%d bloggers like this: