USA, Europe Le Ramleng Chin Mi Pawl In An Sawm Ve Pei Maw?

Fred le Dika

Salai V Bawi Lian

Aw tiin Awtlang fiang le mawi, hmuihmel ti khalin santhar mino pawl ih an buaipi mi, nun can tilam khalah Pathian ṭihzanak nei zettu, Myanmar rampi huap ih theihlar kan Chin mi hlasak thiam lakih tufang ih par mawi laifangtu, Fred, Dika hi USA ram ih Chin mi le Europe, ramleng mi pawl in an sawm ve leh pei maw ticu mino tamzet ih thusuhnak a si ding ka zum!

A liamcia kum pawl zohsal tikah kum tinte in Chin New Year an neih tinte in ramsung ihsin santhar mino pawl ih ngainat le uar mi pawl an rak sawm ringring ṭheu. Tui kum hrang an thinlung khawruahnak sir ih sawm ding hmin an ret mi pawl lakah, kan Chin mi pawl hmin neitertu kan zaithiam filor himi pahnih lak ihsin pakhat tal a tel ve thei pei maw! Singapore ahcun Fred le Dika hi an rak sawm ve dah zo.

Falam, Hakha, Mizo, Tedim, Kawl hla pawl fiang le mawi, thinlung tham zet ih an sak mi pawl hi ngairiam um theilo ding khawp in mipi an awi thei. Leitlun ramtamhuap lakih pakhatnak a simi USA le Chin mi pawl ih khawvel pakhat a sive mi hi rampi ah zaihla an vawr ve ding cu ruahsannak sang zet a um.

Chin mi lakih Leitlun mipi theih khawpih mi harsabawmtu Pi Levi Sap Nei Thang cun Fred hi hmaikum hrang ih Chin National Day ah kawh a phu tiin a bulpak facebook ah a tarlang. “2018 USA ih CND ah a rat a cu thlang tin ka hmu, a aw a ṭha si, a duh nung si, setsanyii a thiam si ka vote” tiin a tarlang.

Chin mi hruaitu upa pawl in zo an sawm ding cu theih a si hrihlonan, hi te pahnih sawm sehla tihi Chin mino tamzet ih thinlung le ruahnak a si ve ding cu a zum um a si. An phu tuk lawman ko lo maw!!#

Fred

Dika

(Visited 121 times, 2 visits today)

Comments

comments

Comments

%d bloggers like this: