USA Ah Zatek 55% Lawngin Sakhuanak Thawn Christmas Hmang Ding

Obama in US rampi laknak a co hnu ihsin US rampiih hmun thupi le cozah zungsang pawl ah Christmas cawlh caan sunglawi ih an lawmawknak le duhsakawknak an hlan awk mi ‘Christmas Lungawi Co Hram Aw’ (Happy Merry Christmas)timi cu ‘Cawlhnuam Lungawinak Co Hram Aw’ (Happy Holiday)tiin a thleng.

Trump in lalnak a co veten Happy Holiday ti nawnlo in Happy Merry Christmas tiin a thleng cih.

Obama san laiah US ram ih sakhuanak thluntu, ahleice in zumtu pawl ih covo nekcepnak cu a um lonan, zumtu ka si ti dingih uarawknak pawl a ti nep thluh.

Hi hmin pahnih thu ah mipi thusuhnak an tuah ih zatek 15% pawl in Happy Holiday ti an duh ih zatek 32% pawl in Merry Christmas ti rori an hril. Cu lailak ah zatek 52% pawl cun ziang khal an rak poi tilo.

US rampiih a zum dan ahcun tuikum hi an ram mipi zatek 55% lawngin Christmas hi sakhuanak, Bawipa Jesu Khrih lawmnak in an hmang ding tiah an zum. 2013 ahcun zatek 59% tluk in hivek in an rak hmang.#

BBC

(Visited 209 times, 4 visits today)

Comments

comments

Comments

%d bloggers like this: