USA ah thlacamnak huham zumtu an tam

USA ah thlacamnak huham zumtu an tam

Kan dung zarh ah president Obama in ‘National Day of Prayer’ timi cu US ram sung hmunkip ih hman dingin ‘hmin a ngan’ (singed) zo ih, May 06, 2010 (tlawngkai nili ni) ah cuih ‘thlacam ni’ cu zokhal ih hmang dingin forhnak thu a sim. Himi ni thawn pehparin USA Today thuthangca tawlreltu pawl cun mi za tampi hnen ihsin ruahnak dangdang an khawl vivo ih, an hmuhsuahmi an simnak ahcun USA ramsung mi 83% cun thlacamnak cu Pathian in a thei tiah an zum.

USA ram sung mi 57% cun ‘Thlacam Ni’ cu ‘duh umzet’ tiah an ti ih, 92% cun Pathian an zum na’n ‘Tlacam Ni’ cu 4.5% in an lungkimpi thei lo.

Mi (500) hnenih thu an suhnak ah 62% cun ‘Thlacam Ni’ cu tha an ti ih, 36% cun a tul lem lo tiah an ti. Thlacamnak cu protestant kawhhran lak ihsin 72% cun an thlun ih, Catholic 70% khalin lungawizet in an thlun.

Malaysia in Fokker vanzam an colhter

Malaysia acozah cun kum (20) rori an rak hman zo mi Fokker cu kan dung April thla cem tiang a zamter hnu ah hmang nawn lo dingin thu a relcat. Fokker vanzam, khualtlawng phurtu hi France ram tuahmi ATR72-500 thawn 2008 October thla ihsin an thleng rero zo ih, RM 700 million an cem zo. Malaysia Air Line cun 2010 sungah khualtlawng 1,100,000 tiang phur thei an tum. (Fokker vanzam hi Kawlram cun tuni tiangin kum (50) lai a hmang zo) – The Malay Mail

Facebook Private Chat Mipi In An Hmu Thei

Facebook tawlreltu pawl cun kan kum 2008 ihsin an tuah sualmi cu tui’ May 05, 2010 ah an hmusuak sal. 2008 ihsin private chat cu midang pawlin an rak zoh thei lawng siloin online rualpi pending pawl tiang, midang ih  zoh thei in a rak um. Himi thu an theih tikah tawlreltu pawl cun a zamrang theibik in private dingah an tuah fel sal zo thu khal an tarlang sal.

(Visited 40 times, 1 visits today)

Comments

comments

Comments

%d bloggers like this: