USA ah ChinTthuthangca ‘Manlo’ In Suak Ding

downloadChin ca ih cazual suah hi pawlkom le kawhhran dangdang khalin an rak buaipi dah ih, a tawlreltu hrang ‘hlawh’ thazet a um lo ruangah phurrit ah a cang theu. Curuangah, tui’ tumih suah ding ‘Cazual’ hi bulpak mi thahnemngai (tlawmngai) pawlin hramthok an duh ruangah ‘free’ ih kuat suak dingin timtuahnak an nei. Hih cazual tawlrelnak dingih Dan an tuahmi pawl cu: (1) ‘O’ le ‘Aw’ thawn pehparin tanbul nei ih edit lo ding. (2) Khuitawk khalah zuar sian a si lo ding. (3) Mi zokhalin a tawlreltu hnenah cahram, biazai, thuthang le theihkauhnak a kuat thei ding. (4) Chin mino (ahleice-in US ram ih High school kai ban) pawlin mai’ ca an ngan theinak ding le an siar thiamnak dingih tumtah a si ding. (5) Calai duhdawttu mi zokhal ‘tuannak le kuan tulnak pohpoh ih tel theitu’ cu tawlreltu sungtel an si thei ding.

Pathian thu le hla thawn miphun rennak hi mikip (mi zaran) hrangah a awl lo. Asinan, calai thawn miphun rennak cu mikip hrangih kan ti theimi a si tiah cazual tawlrelnak ih hohatu pawl hnen ihsin thu kan thei. Maryland le North Carolina ih Chin mi calai duhdawttu pawlin hramthok an tum ih, state dangdang ih rualpi le unau pawl khal sawm vivo dingin timtuahnak an nei. A tawlrelnak hrangah fund raising khal nei vivo in, Chin mi hrangah thil tha tuah ih ke kar vivo dingin USA ih unau, rualpi le sungkhat pawl an sawm. Hitivek ih mipi an rian tum hi thazang pek tlak rori an si.

Contact email: laicazual@gmail.com

Comments

comments

Comments

%d bloggers like this: