US Vanzam Leng A Tla

February 14,2009.
 By-Khuang Lian Sum
US Vanzam Leng A Tla
 
US Vanzamleng Continental Connection Flight 3407 cu Buffalo Niagara International Airport ih ttum a tum laifang Airport ihsi Km 8 ihhla ah a tla ih, A sungih minung 50 cu an thithluh. Hi vanzamleng hi minung 74 to theinak Q 400  Bombardier Aircraft asi ih. Colgan Air ih kilkhawi laimi asi. Newark Liberty International Airport, New Jersey ihsi zuangsuakmi a si.
 
FBI thupuangtu Richard kolko cun hi vanzam tlah leh Security pawlhi pehtlaih awknak an neilo asi menthei tiah a sim. Buffalo Air traffic Control Radio ihsi a lang danah hi Vanzam a tlak hlan deuhte ah  A mawngtu nunau Pilot in Air traffic  pawl a bia ih cumi hnute ah  Air Controller pawlin biaksal an tumih  be letsaltu an um nawnlo tiah an sim. National Transportation Safety Boord cun hi Vanzam tlakdan zingzawi dingah mizansun ah mithiam pawl a thlahcih.
 
Washington ih Homeland Security Department thu puangtu Amy Kudwa cun hi Vanzam tla ahhin misual thilti mi asi a zumlo thu a sim.Hi Vanzam tlakzik zawng rakhmutu  Tony Tatra cun hi Vanzam hi a tlak hlante ihsin  buainak aneiih a thla kehlam a niam deuhcia tin a sim. Hi Vanzam tlak ruangah leilung parih rakum mi pakhat a thi ih midang  pahnih in hriamhma natuklo an tuar.a tlaknak kiangkap ih In 12 sungih minung pawlcu hmunhim lamah thiarsuak thluh an si. August 27, 2006 ah khan Lexington Kentucky ihsi zuangsuak ding Comair Jetliner  vanzam khal a rak cangsuak zoih minung 50 lai an rakthizo.
 
US Ralkap Missile In Pakistan  Ram Kap
 
Mizan zanlai fang hrawngah US raldo nak Vanzam Pilot umlo Drone cun  Afghanistan ram ihsin Pakistan ram sungih  South Waziristan bialih  Shrawangai Nazarkhel khuacu Missile in a kapsal lala ih minung 27 an thiih midang ziang mawzatin hriamhma anpu tiah Pakistan  intelligence thupuangtu pawlin an sim.
 
Hi Missile an kahnak hmunhi Afghanistan ramleh Pakistan ramri Al-Qaida pawlih umnak hmunpi asiih. US ralkap pawlin Al-Qaida hotu  Osama Binladen leh Ayman Al- Zawahri an um an zum ruangah an kap a si. US ralkap pawlhin nikum July thlacem zawngih sin  Pakistan ramsungih Al-Qaida pawlih umnak hmun pawlhi  Pilot umlo Vanzam Drone in MIssile ttum 30 lenglo an kapih Missile  bomb 200 lenglo an thlakzo. Pakistan cozah cun US ralkap pawlin an ramsungih Missile an kap lut ringring cu a sawisel ve ringringih US ralkap pawlih missile kahnak hmun cu civil pawlih umnak hmun asi tiah Pakistan Intelligence pawlcun asimbet.

Comments

comments

Comments

%d bloggers like this: