US Vanzam In Taleban Tapung Camp Kap

April 1st, 2009
 
US Vanzam In Taleban Tapung Camp Kap
 
Mizanah Afghanistan leh Pakistan ramri Pakistan ramsungih Orakzai Tribal khua ih Taleban
Tapung Camp tharcu US ralkap vanzam Pilot umlo Drone cun Missile in a kapsal lala ih a hmunah minung 10 an thicih ih midang ziangmaw zatin hriamhma an tuar.Taleban pawlin himi hmunhi zohman fehtheilo dingin an khamcih ruangah Camp sungleh a kiangkap ih thilthlengbet  theifiang thei asi nawnlo. News agency pawlin an simnakah  Nikum August thla ihsin US raldonak Vanzam Pilot umlo Drone hin missile thawn  Pakistan ram sungih Taleban leh Al-Qaida pawlih Camp hi vawi 35 a kapzo ih minung tamzet an thizo tiah asim.
 
Himi laiah US Cozah cun tapung misual pawl donak dingah  Pakistan ram cu dollar Billion 2 lenglo in bawm a tumih  an bawmnak paisa hi kum 5 sungah pekthluh asi ding. US hin Pakistan hi paisa tampi a rakbawm ringring zonan Pakistan hin US ih a duhnak vekih hmanglo ih India ram thawi an buainakih a hmantheu ruangah US cun Pakistan ram sumpai bawmhi a duhtuk nawnlo nan tulai ah Misual pawlin Pakistan ramhi an tibuai tamtuk  ruangah US cun a bawmsal tum asi.
 
Himi sum hi Pakistan Counterinsurgency Capability Fund ti asi ih tui US Cozah kumthar ah Million 400 pekcih asi dingih hnakum ah Million 700 pekleh asiding 2011 ihsin 2013 sungah kumtin dollar million 575 pek ringring asi ding, Cui tlunah ralthuam leinak lamsilo thilttul dangih hmandingah a dangten US cun Pakistan cu kum 5 sungah dollar Billion 7 lenglo a pebet dingih  a pahnih in kum 5 sungah US cun Pakistan cu dollar Billion 10 leh Milion 3 hrawng a pe ding asi.
 

Comments

comments

Comments

%d bloggers like this: