US Thawng Tla Minung Pathum Italy Ah Kuat Ding

Leitlun ram dangdang in an sawisel zetmi leh US Cozah hmaibal tertu bikih ruahmi  Guantanamo Bay Thawng Inn cu  Obama in a lal ihsi kum hnih sungih khar dingih a tiamkam awk vekin hnakum kumtir ah khin khartum a siih, Asi nan himi thawng Inn khar dingih thil harsa zet  ummi cu Guantanamo Bay Thawng Inn ih thawngtla minung 240 hrawng an thu relsak hrihlo mi sualnak tum pipi neitu pawlhi khuitawk hmun leh ramah an ret ding himi hi an buai pi bik mi leh US Cozah lu tizing biktu a si.

US Cozah in hi Guantanamo Bay Thawng Inn ih thawngtla minung pawlhi an ramih ret dingin European Union ram pawlleh Australia leh a rualpi tha ram pawlcu a rak be rero zonan khuiram hmanin  hi Thawngtla minung pawlhi an ramih ret dingin an la duhlo. Cui tlunah himi thawnginn kharnak dingih sumpai cemzat ding Obama ih ruahman micu a tamtuk ruangah US rorel nak sang Congress in a pawmpi thei lo cu ruangah himi thawng Inn khar dinghi US hrangah thil awlte a silo.

Himi laiah Italy Prime Minister,  Silvio Berluscoin leh US President Obama  White House ih an kawm awknak ah  Italy Prime Minister, Silvio Berluscoin cun  thawngtla minung 3 cu an ramih a lakluh thei ding thu a sim  tiah Obama cun  thuthangca latu pawl hnen ah a sim. Tu ah hin Guantanamo Bay Thawng Inn ah hin thawngtla minung 220 an um laiih, Tuihlan ah minung 9 cu ram dangdang Saudi Arabia, Bermuda, Iraq, leh Chad ram pawlah rakkuat zo an si..

(Visited 42 times, 1 visits today)

Comments

comments

One Comment

  1. na ca ngan mi ka siar tik ah ka lung vak a leng ih hlei ah siar nuam ka ti zet. cu ruang ah hmai lam ah pathian in lam lo hruai vi vo hram seh.

Comments

%d bloggers like this: