US$ Tan 30 Cem Ih Thlapi Khawvel Tlawng Tumtu U Soe Htun Shein Dinhmun Ningzakza

Chanmi
Sui hnattuannak ih hnattuantu pawlin hnattuantu pawl hnen hmanih sumpai tthattha pe thei loih US$ Tan 30 cemih thlapi khawvel khualtlawng tum U Soe htun Shein ih dinhmun ningzakza a si thu an sim.

Zuknung cuang/ lemcang Chan Mee Mee Ko le A Myo Tha Kyepua Toetet Yea Company President U Soe Htun Shein in Honeymoon ah US$ Tan 30 cemliam ih Thlapi khawvel an tlawn tum thu ah an cemliam dingmi sumpai hi Moe Htih Mih Sui hnattuan pawl hnenih an pek dingmi hnemnak sumpai (Compensation) ih let 100 a tam thu an sim.

A Myo Tha Kyepua Totet Yea Company in Sue hnattuan pawl hnenah compensation hman pe lo’n thahrum hmangin pukmah phunphun thawn kai tahratin thawng an thlakih atu vekin khualtlawn an tum cu ningzakza taktak a si thu sui hnattuannak sungkua pawlin an sim.

“Hi thuhla hi minung daan, minung sinak dinhmun in ningzakza taktak a si. Thlapi khawvel khualtlawnnak hrang US$ Tan 30 neitu in Sui hnattuantu minung pawl khawte kipih leiram zuarsakih an sakmi inn hrang compensation pek ding sumpai an neih lo cu ziangruangah?” tiin thawngin sungih an thlakmi pakhat ih nupi in thusuhnak a tuah.
15_91

Hnemnak sumpai(Compensation) an pek lo ruangih lungawilonak langterih lamzawh ruangah company thuneitu pawlin kai tahratin thawng an thlakmi hi Moe Htih Mih Sui hnattuan sungkua hrangah ziangtik hmanih a dam thei lo dingmi lungsung hliamhma pakhat a si thu hnattuantu mi pakhatin a sim.

“Himi hi selfish tukmi tuahnak a si. Mah pakhat tthatnak ding hangah mi tampi nunnak siatsuahtun a si” tiin himi thuhla ih teltu Phungki Damah-Tharah in a sim.

Tuih dinhmun thilcang ah Myanmar rammi Tan 60 lenglo Thlamte ih um pawl Ttaih inn parah ka umter thluh ding titu U Soe Htun Shein ih ttongmi a dan verver dan pawl Leitlun mikip theih ih a tkangzarh duh thu khal Phungki pa cun a sim bet.

Febuary 4, 2014 ni Moe Htih Mih Sui hnattuannak ih sui ttin sakhaan Yametin Myone palik bawi U Kyaw Ko Ko le Myone Uk-chuk-ye-hmu U Mg Mg telin palik 200 thazang thawn sui hnattuan mi 45 pawl kai tahratin A-Myo-Tha-Kyepua-Titet-Yea company pawl hnenih compensation sum dil nawn lo dingin le cutiih an dil nawn lo le atuih an kaihnak pukmah 505(b), 143, 147, 188 tipawl laksak thluhsal dingin an hringhro. Hnattuantu mi 35 pawl cun compensation sum 500000 cio lakin ziangtik hmanah sumpai dil bet nawn lo dingin le sumpai an dil bet asile pukmah 505(b), 143, 147, 188 tipaw hmangin ttayasuai an tuar dingthu thukamnak an lak hnuah an thlahsal ti thu khal theih a si.

Yangon khawpi Sule lamzinpi parih um Sule Shangri-La Hotel ah June 9, 2014 sun kutsihnak puai an tuah ni ih Honeymoon ah thlapi khawvel an tlawn ding thu U Soe Htun Shein in a simmi parah Moe Htih Mih Swe hnattuan sungkua pawlih an lehnak awkam pawl a si.

Himi thuthang thawn pehpar in A-Myo-Tha-Kyepua-Toetet-Yea company an pehtlai rero nan zohmanin an pehtlai khawsuak thei lo thu khal theih a si.

Source; Hot News Journal Myanmar CNN

(Visited 1,633 times, 1 visits today)

Comments

comments

Comments

%d bloggers like this: