US Ram Surgery Milar Ben Carson Hnatuan Cawl Ding, 2016 President ?

HiBALTIMORE : US ram le leitlun ih a theihmi, US ramsung, Baltimore ih Johns Hopkins Hospital ih surgery doctor milar zet Ben Carson cun, June thla ah a hnatuan a cawlh ding thu a puang. Kum 61 mi ti zo Carson hi, 1980 ah khan, phir unau pehaw cu hlawhtling takin a rak at ihm cumi ihsin leitlun ah a hmin a thang zet.

June thla ah a hna a ban ding thu a sim hnu ah Fox News Neil Cavuto cun interview nak a nei ih cutawk ah, “June thla ihsin ka hnatuan cu ka cawl ding. Asinan, zirhnak lam uarzet mi kasi ruangah tlawng ih va zirh cu ka bang cuanglo ding. Ka theihtawp in ka tuanpi vivo ding” tiin asim.

Cabu tamzet ngantu khal asi ih, America the Beautiful timi ca a ngan mi cu Amanzon best selling tiang a thlengban asi. 2016 ih President hrilawknak ah a thinlung a um maw ti an suh tik ah, “Pathian in ka hnatuannak ding ih in retnak hmun asi ah cun, cui hmun ah cun ka tuan ding” tiin asawn. National Prayer Breakfast an neih tum ih interview an tuahnak ah ramthu a paih thu asim hnu ah 2016 hrang tiin a hmin a rung langnak asi. Carson Scholars Fund timi cu a nupi thawn 1994 ah an rak din ih, America ih mithiam, sumpai neihlo ruangih tlawng kai theilo pawl bomnak tamzet a pe asi.

(Visited 50 times, 1 visits today)

Comments

comments

Comments

%d bloggers like this: