US Ralkap Ral Ring

North Korea Nuclear lakih si kilhim awknak leh North Korea Nuclear kahthlak sak theinak dingah US cun  ralthuam leh thiamnak thatawk a nei asi ti ih US Defence Secretary, Robert Gates in kandung karih a sim zo hnuah, President, Obama cun North Korea in  Atlantic tipi ihsi Missile kahsuak a tummi ihsin humhim aw dingin US cun timtuah awknak tha a neizo asi a ti betsal.

CBS Television in an kawmnak ah Obama cun  North Korea in Hawaii tipi lam hawiih  Missile kapsuak ih US mipi harsat nakding tuah a tum a si ah cun  North Korea cun a thil tummi cu a hlawhsam ding a si a ti.

Obama cun North Korea ih thilti dingmi dodal dingin US ralkap pawlcu an ralring zo ih  North Korea Missile kahthlak sak dingin US cun ralthuam a neitha a si a tibet.  Thuthangca latu pawlin US in North Korea a kap pei maw? timi an suhnak cu Obama cun ziang thudang hman a let lo ih US ram mipi cu himi thu ruangah lungphang lo dingin a cah ih, North Korea hin Missile a kapsuak taktak ke maw?. timi thufiang zianghman a um hrihlo ruangah thilfianglo mi thu ih a thinlung tibuai ter a tumlo thu a sim.

(Visited 63 times, 1 visits today)

Comments

comments

Comments

%d bloggers like this: