US Ralkap Pakhat in Afghanistan Ram Civil mi 16 A Kap That

Afghansitan ramih US ralkap pakhat a hmin tarlang lomi kum 38 micun Kandahar khawpi ih um US ralkap hmunpi ihsin Metre 500 hrawngih hla ih  Alkozai leh Najeeban khua ih Civil mi pawlcu a kap ciamco ih  minung 16 a kapthat ih midang 5 in hriamhma an tuar. mithi pawl lakah nauhak 9 khal an thitel. hi US  ralkap a hmin tarlang lomi sualnak rapthlakzet tuahtu hin tihni zing nazi 3 hrawngah khan Kandahar khawpi kiangih an umnak US ralkap hmunpi cu a suahsanih Alkozai leh Najeeban khuaih Civil mi umnak In ah lutin a sungih minung pawlcu a kap ciamco hai ih, cumi hnuah mithi ruang pawlcu meisa in a urkaang bethai. himi hnuah a mahcu an umnak hmun ah kirsalin an hotu pawlih kutsungah a pe lutaw cih.

Himi thu ruangah Afghansiatn ram mipi leh an Cozah pawlcu an thin a hengzetih, Taliban Tapung pawlcun phuba an lakdingthu an sim. Himi thuhla a theive ten US President, Obama cun  Afghanistan ram President, Hamid Karzai ih hnenah Phone hmangih  ngaidam a dil cihih mithi pawl leh an sungkhat pawl  atuarpi thukhal a sim, Afghanistan President Hamid Karzai cun himi sualnak rapthlakzet tuahtu hi ngaidam theihding a si hrimhrimlo tiah a sim.

Himi thuah US Defence Secretary, Leon Panetta cun  himi buainak hi ziangtin a suak timi zinzawi a siding tiah a tiamkam. hi thilsual tuahtu ralkap pa hi  Iraq ram ihsin  tuikum tirte ah  Afghanistan ramih kuatmi a si.

(Visited 43 times, 1 visits today)

Comments

comments

Comments

%d bloggers like this: