US Raldonak Vanzam Drone In Taliban Pawl Kap

April 4th, 2009
 
US Raldo Nak Vanzam Drone In Taliban Pawl Kap
 
Mizanah US raldo nak vanzam Pilot umlo Drone cun Pakistan leh Afghanistan ramri Pakistan ramsungih North Waziristan District ih Miranshah khuaih Taleban leh Al-Qaida pawlih umnakhmun cu Missile in a kapsal lala ih theihbancin ah minung 13 a hmun ah an thi ih midang ziangmaw zat in hraimhma an tuar. US raldo nak Vanzam in Pakistan ramsung a kah ringring hi Pakistan  Cozah cun a sawisel zet theuih  Civil mi tampi an thihphah ruangah Civil mipawlin Tapung pawlhi an tanpi phah sawn asi an ti. US cun Pakistan sawisel nakthu ah zianghman a tongsuak dahlo ih tongsuak lo in a kaplut sal totho theu.
 
Himi laiah NATO ram ai awhtu pawl tawnkhawm awknakih tellai tu US President Barack Obama cun NATO ralkap pawlin Al-Qaida pawlcu nasa sinsin ih do a duhthu asimih. Obama cun Al-Qaida pawlcu US ramhrang hnakin Europe rampawl hrangah thiltih nungsawnmi an si ruangah Europe ram pawlin Al-Qaida do dingah Afghanistan ah ralkap an kuatbet a tul asi ati. Obama cun Al-Qaida pawlcu US leh Europe rampawl hrang lawngsilo in leitlun ram danghrang khalih mi hnawksak leh mi tihnung an si ruangah NATO ralkap cu a tam theibikih kuatbet an tul asi ati.
 
NATO ram ai awhtu pawl tawnkhawm awknak hi Germany leh France kawmaw in an thlengih NATO ram aiawh tupawl cun Al-Qaida donakih Afghanistan ih US in hma a laknak cu NATO ram pawlin kanthlawp asi tithu khal an puang. British Prime Minister Gordon Brown cun tuikum Augush thlaih Afghanistan ram President hrilawk hlanah  Ralkap kuatbet a ttul a tithu a sim.
(Visited 55 times, 1 visits today)

Comments

comments

Comments

%d bloggers like this: