US President Thar Lalut Ding

21-01-09: US President 44 nak midum President hmaisabik, Barack Hussein Obama cu tuisun nazi 12 ah US Supreme Court Chief Justice, John Roberts cun  Washington DC ih Capitol Hill ah rin umnak thutiam laterin a la lutding. Hi Obama lakluh nakih telding minung million 2 lenglo cun Washington khawpi an thlengthluhzo ih.  Humhim naklam khal nasa zetin timtuah asi.  US ramih humhim naklam hnattuan thimbik pawl 12 sung ihsin  miraltha leh meithal kahthiam  misual kaihdan thiam cungcuang pawl minung tampi hrilsuak mi an tel.

Obama lakluh nak hi tuisun nazi 10: 25 ah ttan a si dingih. Cumi hlan sungcu  US State Marine Band San Francisco Body Chorus  leh San Francisco Girls Chorus pawlin can an hmangding. US Sanate Join Congressional Committee Chairman,  Dianne Feinstein in  hi khawmawk nak hi a hoha dingih hmuahnak leh lung awinak thukhal a sim dingih.    Obama lakluh nakding tikcucan cu  Dr Rich Warren in a hoha thung ding.

President lakluh hlanah Vice Presideng thar Joe Biden cu Supreme Court Associate  Justice Vice President,  John Poul Stevens in rin umnak thu a tiamter dingih a la lutding. Himi hnuah awn mawi lamthiamzet, John Williams ih tuahmi Awnmawi ngaithlak nak an nei dingih  Cumi hnu in President hi lakluh asi ding. President leh Vice President tharhi  St, John’s Episcopal Church ah an mai hrangih  Pathian hnenih hlan awknak an tuahsak mi khawmnak ih an tel hnu ah  Biak In ihsin White house hi an pan dingih  President lakluh nak tikcucan an hmanhlan nazi 2 hrawngah  President Bush cu  White House ih North Portico room ah anva hmuta dingih . himi ah hin Vice President thar dingleh Joint Congressional Committee Member pawlthawn thingpi in tlangnak an neicih ding.

President Bush cun President thar Obama lakluh nakih tel dingin tuisun nazi 11:00 ah White House a suahsan dingih. President lakluh nak tikcucan a cem veten Obama ih hoha nakin  President Bush thlahnak tikcucan hmancih asi ding.  Cumi hnuah Presideng Bush cun  Midland Texas ih a cennak In cu   Andrews Airforce Base ihsin a pancih dingih President Obama leh Vice president Joe Biden cun Joint Congressional Committee in an mai hrangih an timtuah sakmi  Suncaw  cu Statuary Hall ah an kil tlangta ding.

President lakluh nak Parate cu tuisun siimlam nazi 3 ah  Coptol Hill ihsin White House thleng neih asi dingih. President lawmnak ih Parate lamnak hi hmun 10 ah tuah asi dingih. Himi pawl lakah Commander in Chief’s Ball, the Youth Ball leh  President Obama Home State Ball pawlcu  ropi cuangce dingih zum an si.  Obama hi National Museum Building ih neih dingmi  Commander in Chief ‘s Ball ah a tel zum asi.   Obama lakluh asi ding laiah. a thutiam lai ih a kutih a namding micu   President Abraham Lincoln ih  President asi ding zawngih a rakhman mi Bible cu a nupi in Cabuai sang parah a retsak dingih cumi hnu ah Obama cun rin umnak thutiam a la ding.

By-Khuang Lian Sum

(Visited 62 times, 1 visits today)

Comments

comments

One Comment

  1. CT pawl ka lo lawm hai nasa. A si ding vek cekci in nan run ngan thei ih ! Kan Chin mi thuthang la tu khal kan duai nawn lo ti nak si cu. Si rori.. St.John Biak inn ih khawm nak an neih hnu ah mipi siar cawk lo hmai ah Pathian hnen ih thlacamnak thawn an thok ih thlacamnak thawn an tiak. A thukam lak mi khal a tha nasa. Mipi hnen ih a Ttong mi khal zumtlak taktak a si.A tu khal hi President Obama le a nu pi le tuanvo nei upa pawl cu mi pi hmaiah an lungawinak lang ter in mipi hmai ah an ke thawn an vak rero lai a si.

    “Maw Pathian..USA le a hruaitu ding hmuahhmuah thlawsuah run pek sinsin hram aw..Chin miphun in zaangfahtu na USA pawl run cawisang sinsin hram aw Amen”.

    Justin Thang,
    USA.

Comments

%d bloggers like this: