US President Obama Tei Nupa In Christmas Thucah Tawi Sim

President-Barack-Obama-and-First-Lady-Michelle-Obama-say-Merry-Christmas1Caleb L Ci Luai

WASHINGTON D.C : Obama le a nupi cun, kan hman liamtak Christmas cu nuamtak in an hmang ve ih, Christmas hlante ah an nupa in thucah tawi simnak an nei veve. Cutawk ah Obama cun, “ US ramsung ih um kan zate in Christmas lungawiten kan hmangtlang ding.

Hi tikcu can hi, Jesuh Khrih ih suahnak kan lawmnak can asi ih, Jesui’ nun kan nun ah lang ding in a hnen ihsin kan zir ding asi” ti in asim. Cun, Afghanistan ram ih ralkap pawl hnen ah, kan dung naite ih tlawnginn ih thahawknak thleng mi sungkua pawl hnen ah leh, thlipi ruang ih thihnak tuartu sungkua pawl hnen khal ah a hnemnak thu asim.

A nupi Michelle Obama khal in, “ America ram ah, pakhat le pakhat kan bawmawk hi a sunglawi tuk. Tui tikcu can khal ah, kan ramsung le ramleng ih bawm tulmi pawl bawm ding hi kan tuanvo asi” ti in a sim ve.

Comments

comments

Comments

%d bloggers like this: