President Obama Ih Thu Republican pawl In el

January 29, 2009.
By- Khuang Lian Sum
 
Russia In Kaliningrad Ah Missile Bun Sallo Ding
 
 Russia cun America in a thinlung put a thlengsal ruangah Kaliningrad ih Missile bun a tummi cu a cawlhsansal hrihding tiah a puang. Tui kandung November thla ah khan  Russia President Dmitry Medvedve cun  Kaliningrad ah Missile ziangmawzat bunding in a rak puangzo nan  America in a thinlungput a thlengsal ruangah himi hnahi cawlhsansal hrih a si dingtiah Russia ralkap bawi pawlcun an sim. America in Europe ram ah Missile ziangmawzat bun a raktum lawk ruangah  Russia khalin kilhim awknak ah tiah a rak timtuah awknak asi.  America hin Poland leh Czech Republic ih Missile bun a raktum nakhi
Ram suaksual Iran tivek pawl hnen ihsi kilhim awknak dingah tihman sehla. Russia cun US thilti micu  dolet ve ttulih a theih awk ruangah  missile hi   Kaliningrad ih rakbun a tumnak asi…
 
Israel Vanzam In Gaza Bomb Thlaksal
 
Relzo vekin Israel leh Hamas pawlcu  nikum December thla 27 ihsin zarhthum sung nasazet ih an do awk ruangah Palestinian pawl minung 1,500 lenglo an thi ih midang 5, 300
lenglo hriamhma tuarin  minung umnak In 4,000 lenglo leh khawsung thil pawimawh ziangmawzat a siat balthluh hnu ah,  Egypt leh leitlun ramdang hruaitu Upa pawlih theitawp suahnak in  tuithla ni 17 leh 18 ah khan rualrem nak ceasefire cu an tuahih. Asinan tihni sun ahkhan  Israel ralkap vanzam in Gaza strip leh  Egypt ramri ah Bomb a thlaksal.
 
 Himi hi Israel ralkap ramri kiltu pawlcu tihni zingah Hamas pawlin an kah ruangah  phuba laksal nak asi tiah Israel cozah thu puangtu cun a sim. Israel pawlin Hamas pawlih ralthuam tawlruk nak leihnuai lamzin an bomb sal ruangah Rafah khawpi kiangkap ih mipi pawlcu an tlansuaksal ciamco ih  mithi leh hriamhma tuar an um leh umlo cu an simlo. Israel leh Hamas pawlin zarhthum sung an do awkhnu ih tuithla ni 17 leh 18 ih rualrem ank Ceasefire an tuahmi cu thil hngetkhoh lo leh rin umlo mi thil asi ticu tui boruak ihsin a langfiangsal ih ruah asi. Tih ni zingah lamzin sir ih Bomb kanmi a puah ruangah Israel ralkap 1 a thiih ralkap 2 in hriamhma nazet an tuar. Himi thil a thlen veten Israel cun ralkap rual leh Tank, leh Helicopter pawlcu Gaza lamah a kuatsal ciamco ih. Isarel Prime Minister Ehud Olmert cun  an ralkap pawl parih thil thleng ruangih  Gaza an kahsal nak cu a hram kan thawk fang asi a ti. Buainak tuah hmaisak hi Israel cun a duhdah lo ih, asinan thilttul mi ah cun nasa sinsin ih  do aw dingah Israel cu a timtuah aw ringring asi a tibet.Himi ruangah boruak thalo a sosang sinsin pang ding ti phangin  US leh Europe hruaitu pawlcu  an talbuai sal rero laiih. Tui kan dungih an do awk nak hnakih boruak sia a thlengthar salthei tiah phanzet asi.
 
Leitlun Ramlian Leh Ram Ropi Hruaitu pawl Tong Khawm Aw
 
Leilung tlun sumpai dinhmun leh tthanso nakding thlir ho nak kumtin tuah theumi World Econamic Forum  tawn khawmawk nakcu   Switzerland ramih Davos ah tuah rero lai asiih . Hi tawnkhawm awknak ropi zet ahhin leitlun ramlian leh ramropi hruaitu minung 40 leh leitlun sumdawng milian Company hotu ziangmaw zat telin an zaten minung 2,500 hrawng an si.
 
Himi Summit ni hmaisa bikah China Prime Minister Wen Jiaba leh Russia Prime Minister Vladimir Putin cu thusim dingah ruat an siih .Hi World Economic Forum hoha tubik, Klaus Schwab cun  hi tawnkhawm awknak ih thupi bik dingah leitlun sumpai dinhmun tla niam dundin sal danding leh leitlun thanso nakding ruahtlanghi kanthupi bik asi ding ati ih Leitlun boruak hlumcaktuk khalhi a kilhim dan an reltel dingah zum a si. Hi tawmkhawm awknak ropi zet kumtin tuahmi ah tuikum hi ramhruaitu upa leh mipawimawh an suah tambik tum asi .   Dovas hi  Switzerland ramih thingtlang khua tlangpar ih um asiih. kumtin in mithil tithei leh milian pawl tawnkhawm awknak hmun nuamleh thianghlim zalen zet asi ih. tuah cun leitlun ih khawmawi leh nuan ih siartel mi a siban vezo.
 
US President Obama Ih Thu Republican pawl In el
 
US President Obama cun mipi pawlin anram sumpai dinhmun tlasia cu tuahtha sal zamrang dingin an hngak hlapzet tiah asim ih. US ram sumpai tlasia tundin salnak dingih a ruahhman mi dollar Billion 852 hrawngcu  zamrang theibik ih hmansuah a ttul a tithu a sim. Himi laiah Republican lam roreltu pawlcun thil harsatuk ding leh a takih tuahthei lo dingmi thil asi tiah nasa zetin an el, dodal ih.  Obama cun  himi ruahhman nakhi Republican lamcun a zatei an pawmpi dingcu a beiseilo ih. Asinan Politics thinlung cu rettha hrih ih rampi hrangih thil pawimawh leh thil ttul cu an ngaihtuah a zumthu a sim.
 
 Himi thuhi Feb, thalai hrawngah cun an pass fel a zumthu a simih. Republican House Leader, John Boehner cun  Obama ih hoha nak ih himi thu an rel hnuah  himi ruahman nakcu a taktak ih ti hlawhtlin a tul ati. Himi thuhi Republican pawlin dodal taktak theilo hman haisehla an ti khawtlai thei ding asi.  Himi US ram sumpai tla niam tundin salnak ding hnahi  Tresury Secretary thar , Timothy Geithner ih hoha nakin  tuan asi ding.  Obama ih tumtah mi thildangah  Electric tha tam sinsin laknak dingah  lamzin thar peng 3,000 ihsau tuahbet asi dingih. Cozah  Company Building 75% ah Electric tha hmanmal ter asi dingih .  mipi in Tax an pekmi kumkhat ah Million 20 ih ti niam asi dingih . mipi vangtlang umnak In Million 2,500,000 ah Electric tha an hman mi tiniam sak an si ding. Himi pawl ih tlun ah  thildang ruah hmannak thar kumkhat ah hna thar  Million 3 ihsin million 4 karlak hrawng tuahbet thei a beisei thukhal a simbet.
 
India Ralkap Pawlin Tapung Hotu Abu Hamza Kapthat.
 
Tih ni sunah India ram Jammu & Kashmir ih Spore ah India ralkap leh Al-Badr Tapung pawl cu nasazet in an kapaw ih himi ah Al Badr, Tapung hotu Abu Hamza cu an kapthat tiah Police pawlin an sim. Hi  Tapung pawlleh India ralkap pawl kah awknak hmunhi  Kupwara leh Baramullah District ah Tapungpawlhi an tawmkhawm tiah India ralkap pawlin an theithup ih. Police pawlthawn an va siim ih&nb
(Visited 65 times, 1 visits today)

Comments

comments

Comments

%d bloggers like this: