US President Obama Ih Fanu Pahnih TlawngKai

: January 6th, 2008

: By-Pu Sum

: SBT 

US President Obama Ih Fanu Pahnih TlawngKai 

Mizansun ihsin US President thar Obama ih fanute pahnih Malia kum 10 mileh a nau Sasha kum 7 micu Washington ih Sidwell ah tlawng ankai thawkzo ih. mizuktu tamzetin an rak bawh.

Obama ih fanute pahnih hi a nu Michelle in a hruai ih Malia hi phun 5 asi ih a nauta Sasha hi phun 2 asi. Obama ih nupi leh fate pawlhi US Secret Service Agent pawlin motor tampi thawn an kil ih Obama tei nupa hin an fate cu media leh mizuktu pawlin naihbuai tuklo haiseh la  an duhthu an sim. 

Himi laiah US President thar Obama cun  dan tuahtu hlun leh White House Chief of Staff hlun  Lean Panetta cu an ram Intelligence Hotu lu bik Central Intelligence Agency (CIA) Director ah a ret. CNN leh Fox News in a simnakah Penella hi President Bill Clinton ih hunlai ihsin  White House of Staff asiih.

Kum 70 mi Lean Panetta hi US rorel nak hmunpi ah member term 8 a rak ttuanzo. BBC Corr, cun  Intelligence lamih theimi neiloih zummi Panetta CIA Director dingih Obama in a retcu  thilmak zet tlukin a simih . Asinan Obama cun misualih puhmi nasa zetih hremnak thu petu leh hivekthu thawi hnamhnawih awmi cu CIA director dingah ret a duhlo tiah an sim. 

Obama hin CIA director dingah cun  John Brennan a duhbik nan Bush lamih a lu a her deuhih a theih raungah CIA hotu ah a ret duhlo tiah mi hrekkhat cun an sim. Obama hin Navy Admiral, Dennis Blair cu National Intelligence Director ah a retih a nihhi 9/11 hnuih Asia saklam ih misualpawl dotu Navy Pacific Command rak hotu asi. 

Israel  leh Hamas Thu Bawk. 

Israel ralkap pawl leh Hamas ralkap pawlcu Gaza City khaw hnarah nasa zetin an kapaw rero laiih. Hamas pawlhi Mosolman ralthuam keng midang in an bawmih. Gaza khawpi humhim theidingin nasazetin an ttangve.

Israel in Gaza hi ni 10 sung vanzam leh leihnuai ralkap thawi a kah nak ruangah Palistinian pawl minung 540 lenglo an thizo ih midang 2,500 lenglo in hriamhma an pu. Himi laiah gaza saklam bialih Israel ralkap Golani Brigade ihta an mahle an mah an kapaw sualpangih ralkap 3 anthi. 

Palistinian Doctor pawlin an simnakah Isarel in Gaza aluhcilh hnuah Palistinian minung 90 lenglo an thibetih  Tui dinhmunah Gaza mipi pawlcu ei leh in tirawl leh meisa eng neiloin an um laiih  Gaza ih um Norway Dr.

Mads Gilbert cun siizungah sii leh damlo tuamhlawmnak thilri a um mumal nawnlo ruangah hriamhma tuar pawhi duhvekin  tuamhlawm an theilo ih cu ruangah damthei dingkhal mitampi cu an thihphah tiah a sim.  

Israel Defence Minister Ehud Barak cun hruaitu upa tamzetin  Ceasefire tuahdingih an nawrnak cu  a el thlafelih.  an tumtah vek an ti suak hlansungcu Gaza an nawr vivo tumthu a puang.  Asinan Gaza thlanglam ramri ih mipi pawl i ding tirawl phurtu truck 80 cu lutdingah siannak a pe.  

Palistinian Presidnet Mahmoud abbas cu UN  Security Council Meeting ah  a tel dingih  Saudia Arabia, Egypt, Franch, leh Britain ram ai awhtu pawlthawn Israel leh Hamas pawl Ceasefire tuah dingah cakzetih nawr an tum. Himi laiah US president thar Obama cun Gaza buainak cu pawi a tithu a simih. President Bush cun Gaza buainak rehthei dingih hmalak nakah rawlh awk a tumlo ati. 

Sri Lanka Leh LTTE

LTTE in kum 10 sung anrak uk zomi kilinochchi khawpi cu Sri Lanka cozah ralkap in an laksak hnuah Mullattiva kiangih LTTE hmun pawimawh Oddusudan khal an laksak betzo ih. Mullattiva khawpi lakthei nakdingih hmun pawimawhzet Elephant Pass an thlengzo.

Sri Lanka Defence thu puangtu cun  ralkap in Vanzam thawi nasa zetih an kah ih hleiah Ralkap Division 58  in lei hnuai ihsin an nawr vivo ih LTTE pawlcu an tla niamzet vivo tiah a sim. 

US President Dingah Jeb Bush Duh 

Tui kandung colh nisunih Fox News in an kawmnakah US president hlun George Herbert Walker Bush cun a fapa nauta sawn, Jeb Bush cu US President si leh dingah a duhthu asimih Florida Governor hlun Jeb Bush hin White House a luah thei leh dingkhal a duhthu a simbet.  Kum 55 mi Jeb Bush hi  tui US President ttuanlai Bush ih naupa asi ih. Hnakum ah Florida aiawh in US Snate Seat cuh ve a tum thu khal a rak simzo. 

Georges Herbert Walket Bush hi 1989 ihsin 1993  sungkha US President a rakttuanih tu ah hin a fapa  upa sawn Bush in Presidnet an run ttuansal ih nikum US Presidnet cuhawk nakah a u in a ttuanlai ruangah Jeb Bush hin a cuh lohi a thasawn dingih lehhnu deuhih a cuh dinghi a pa hin a duhsak thu a sim.

 

(Visited 115 times, 1 visits today)

Comments

comments

Comments

%d bloggers like this: