US In IS Pawl Nuai Cimit Dingin MOAB Bomb A Thlak Dumdo Mai; IS 36 Thicih

Salai V Bawi Lian

US ralkap pawl cun leitlun bomb nuclear tello ih cakbik le nabik ‘bomb hmuahhmuah ih nu” tiih kawh mi MOAB cun Islamic State (IS) ralkap pawl umhmun khuarnak hmun tiih a ruahnak hmun pi ah a kap ta riai mai. IS mihel 36 pawl a that cih tiin Afghan ralkap humhimnak lam tlawngbawi cun a sim.

Hi MOAB bomb hi nuclear bomb siceng loih US ih a hman mi bomb nasabik a si hrih lai. MOAB bomb hi a tuum lam 30ft (9m) a siih a rihlam hi 21,600lb (9,800kg) a si. US ralkap pawl in hi bomb hi a hmanak ding hmun dik rori ah le an tumnak hmun rori ah khengfuh in an thlak a si tiin an sim. Vantlang mipi menmen pawl zohman siatsuah an silo tiin BBC cun a tarlang.

Hi bomb hi GBU-43/B Massive Ordnance Air Blast Bomb titla in an koih. US Pentagon pawl cun Achin timi pengthen ah tlawngkai nili tlailam ah an thlak tiin an rak phuang. IS mihel pawl ih relhnak leithnui hmun tiih an theih mi Nangarhar timi ramthen ah a si.

President hrangih thuphuangtu Shah Hussain Murtazawi ih a sim dan ahcun hi bomb an thlaknak ruangah IS mihel pawl ih commander Siddiq Yar khal bomb ih a tlir that mi lakah a tel ve tiin a sim. BBC thuthang latu pawl ih an tarlang dan ahcun Mr Murtazawi in IS mihel pawl ih umnak hmun leihnuai hi Pakistan ihsin ra a siih kiangkap khawte mi pawl harsatnak nasangai an pe theu tiin a sim tiah an ti.

Gen Nicholson ih a sim dan ahcun kan tuahtummi pawl hi phuhrunawknak um riai lo in hmalaknak kan nei peh vivo ding… IS pawl umnak Afghanistan ah hin mihel IS pawl hrang thlanmual a um nawn lo dingtiin a hro bet.

Himi bomb a thlaktu vanzam hi MC-130 timi a siih US Special Forces pawl lawng ih an hman celek mi ralthuam a si. IS pawl umnak hmun kiangkap hi a liamcia ni 13 lai ihsin nasa ngaiten an rak do aw rero zo. Hi bomb an thlak miin a kimvel km1 tluk in a thacaknak a tlir tiin a hmun ih um IS dotu pakhat cun a sim.President Donald Trump cun hitiih an puah thluh veten ‘hnadang hlawhtinnak tiin a rak sim’ Afghan President raktuan dah zotu Hamid Karzai cun hivek ih ralthuam pi hman hi ropi doawknak le a silo ih a tullo, minung zahawklonak le milai lakih zawmtaihnak thawi cangvaihnak a si tiin a rak dem.

Himi bomb tuahnak hrang a man hi $16m (£13m) a si. Russia hi hivek deuh bomb tuah mi an nei ve ih a hmin ah Father Of All Bombs (FOAB) tiin an sak ve.#

– Agencies (BBC, ABC, News)

(Visited 266 times, 1 visits today)

Comments

comments

Comments

%d bloggers like this: