US Parliament Ah Democrats Party Tla Niam

US Parliament Ah Democrats Party Tla Niam

United States Parliament hrilawk nakah President, Obama ih hruaimi Democrats Party cu House oh Representatives Member hrilnakah an caklo ih, Senate khalah an zumvek an baan cuanglo. Democrats Party hin  Senate ah Seat tamsawn an la nan  an mah khingsong biktu Republican hnenah seat 6 an hloh thotho.

Himi an sunak States ah President, Obama rori an rak hriltlin nak Illinois khal an sunak ah a tel. Democrats Party in House of Representatives ah  neh nak a colo ti an puan ihsin  President, Obama cun Republican Pary in  House Speaker ih an hamdeuhmi John Boehner cu a becih ih US rampi hrangih rorel nak dingah thinlung hmunkhat pu ih hna an tuantlangding a beisei thu a sim.

Himi laiah Boehner cun tui an hrilawknak ihsin US ram mipi in President, Obama ih Cozah nakin ram mipi a kaihhruai nakleh  a thilti danah thlakthleng a ttulzia an langter a si tiah a simve. US Parliament Congress hrilawk nakah South Carolina Governor dingah India cithlah Nikki Halay cu hriltlin ve a siih, himi State ihsin nunau Governor hmaisa bik a si.

Obama India A Tlawng Thlang Ding

US President, Obama cu tuikar zarhte ni    tipsun ah khin India ram tlawngin Mumbai khawpi a thlengding. President, Obama in Mumbai khawpi ih a caam sungah nitin US Cozah in dollar Million 200 a cem ringring dingih ruah a si. himi Paisa tamzethi Obama in India a tlawnnakih a mah kilhimtu  Security Secret Service Agency, a mah thluntu Cozah mi pawimawh leh Thuthangca latu an zaten minung 3,000  pawlih hmanding mi a si.

White House ih mi pawimawh leh kilhim naklam Security ttuanvo pawimawh neitu pawlcu Mumbai khawipi an thlennak zarhkhat  a reizo ih, US Cozah leh India Cozah ttangtlangin kilhim nak Security thazet ih tuah asiih, Mumbai khawpi tipi tluanah Lawng ralkap leh lawng cakzet mi dawinak pawlkhal retcia thluh a siih, cumi ih tlunah misual zohfiangtu Isreal tuahmi   raldo nak lawng khal tipi kapah retcia an si.

Obama Mumbai khawpi ih a um sungah Helicopter in a tlun ihsin a hel ringring dingih misual leh hmundang ihsin thil ttihnung a rami pawlkhal hi Vanzma in a zohfiangdingih, hmundang ihsin Missile leh Rocket ih an kahpang khalle rakkap thla cih thei dingin  hi Helicopter sungah Missile buncia thluh an si.

Obama in Mumbai khawpi a thlen hlan Minute 30 ihsin Mumbai khawpi ihsi Vanzam zuangsuak dingleh zuanglut ding pawl kham thluh a si dingih, a thlen nakding Hotel Taj leh a kiangkap lamzin  pi pawlcu Obama Mumbai a caam sungah cun mipi feh theilo dingih khar thluh a si ding. Obama hi US ihsin President, pawlih to dingmi Special ih an tuami Car Cerek ih kahtlang theilo mi khal a keng ding.

Iraq Bomb Puak

Iraq ram khawpi Bagdad ah Bomb hmun 13 ah a puakih minung 76 an thiih, midang 280 lenglo in hriamhma an tuar. Iraq Cozah thupuangtu in a sim nakah Bagdad khawpi ih Bomb puah tuhin Shia Mulsim pawl an siatsuah bikih, Bomb puahtu misual pawlhin Car bomb an hmanih bakah lamzin kapih an kammi Bomb an tipuakih cumi rualah Mortar in minung umnak Inn pawl an kapciah ciamco tiah an sim.

Iraq Health Minister, Saleh Mehdi al-Hasnawiaid in a sim nakah hriamhma tuartun pawlhi Sizungah tuamhlawm rero lai an si tiah a simih, himi Bomb puahtu hi zohmanin an puahmi a si thu an simlo nan,  Shia Mulsim pawl an batdeuh bik ruangah Al-Qaida pawl ansi zumnak a umih, Asinan kut thin nakcu a umlo.

(Visited 44 times, 1 visits today)

Comments

comments

3 Comments

  1. Saithantluanga Tuallawt says:

    Obama India a tlawng ding cu India security pawl an timtuahaw nasa. India security pawl cu commonwealth games hrang bang zet ih an cangvai hnu ah tun Obama hrangah nasa zetin ven himnak an tuah la la…

    Mumbai (Bombay) ah cun coconut (Aung-ti) kung tla an hau ti a si ziang ah ti len kum tin aung-ti rah tlak ruangah thi le hliam an um ring ring ruangah aung-ti in Obama a tlak pang ding ti phangin aung ti kung tla an hau nasa.

    India ih Burma ral tlan pawl in ziang vekin an cang vai ding rak zauh ciau sela…..ka hmuh cak ve zet pakhat cu Obama ih motorcade le US secrete service pawl hun cangvai ding hi,,,…..

  2. Ung-ti thu hahah thilmak pakhat a si hi.
    Kan ni khua ahcun Ung-ti ei ding a harzet.

  3. Saithantluanga Tuallawt says:

    Pa pakhat hi a dam lovi Doctor nih thingthei rah (fruit)
    tampi ei aw, thei rah khal ah a hawng hi ei nasa aw,
    tin a ti. Doctor nih ziang thingthei rah na duh bik tin a ti ih
    dam lo Pa cun Ung-ti a ti…a hawng ei tam a har nasa ding.

Comments

%d bloggers like this: