US In Norh Korea Parah A Thin A Ling

Salai V Bawi Lian

US president Donald Trump cun North Korea pawl in tui tlawngkai nihnih niih an kahpuak mi lamhla kahnak nuclear ruangah a ṭul dan vekin kan cangvai a cu a si. An cangvaihnak hi a se pitawp tiin a soisel.

Hi thu ah leitlun ramtin pawl in an soisel ih tuini Germany ram ih tuah ding mi G20 Summit khalah rel khawm an tum. Tui netabik Pyongyang kappuak suak mi ICBM missile hin US rampi Alaska tiang a kap thleng thei. A hlan ih an rakpuah sinmi pawl cu US rampi a rakthleng ngaingai lo.

ICBM an kahpuak mi hi tipi thuanthum sungah tla in a puak darh. Asinan US pawl cun ziangvek ih tum le te khal a sile an cangvaih dan hi ‘a se pit tawp’ a si tiin an ti. ‘A netnak ding a se bik tiang kan ruat’ tiin Mr Trump cun asim hngehnge. ‘Asinan kan ti ding tinak cu a si cuanglo’ titla cun a sim. Leitlun ramtamhuap pawl khalin Pyongyang ih an cangvaihdan hi cu kan ngiar a ṭul ‘ a setuk lawman’ tiin a ti.

Hi vek ih a simnak san khal US palai Niki Haley ih United Nation Security Council hnenah North Korea tlun ah US rampiin a ralkap thacahnak khal a ṭul ahcun kan hman a ṭul, kan hman tengteng a ṭul a si tih a sim mi par ihsin a nemhngetnak a si.

US in South Korea thawn ṭangtlang in an ralkap thacahnak sawrkhawmnak le thazaang suah khawmnak an nei. Asinan Norh Korea cun zianghman ah a siar lo ih, US in Norh Korea parih a hruangsonak pawl a ti cem lawngah ka reh ding tiin a hringhro hrih lai.

North Korean hruaitu lu Kim Jong-un cun tui an kahsuakmi cu America ram piih an zalenni July 4 ni hrangih lawmman a si tiin a ti san men.

Pyongyang ihsin an sim dan ahcun tui an kah suak mi Hwasong-14 ICBM hi a vantlun a Sanlam 2,802km (1,731 miles) ah a zuang ih a hlatlam 933km tiang minit  39 a zuan hnu ah a tumnak hmun ciah ah thleng in tipi parah a puak tiin an hminsin.

North Korea cun tui an kahsuak mi hi leitlun ramtin kahban theinak hrangih thazaang caknak pakhat an nei mi langternak a si tiih an lang ternak le an neih mi an pholangnak asi thu khal an tlangthan bet.

North Korea in ICBM pahnih an nei KN-08 timi a hlatlam 11500km tiang thleng thei le KN -14 timi a hlatlam 10000 tiang thleng thei kahnak an si.#

Agencies (BBC, Daily Telegraph, News)

Comments

comments

Comments

%d bloggers like this: