US Missionary (10) Thuhla Rel Ding

US missionary (10) thuhla rel ding

Kan dung January 29, 2010 ih Haiti nauhak (33) lai mawtaw thawn Dominican Republic ram ih phur tumtu Baptist kawhhran missionary (10) cu ramri ah kaih an si ih, nauhak firnak thubuai tuahsak an si.

Asinan kan dung tlawngkai ninga ah anmah runsuah tumtu lawyer cun Haiti acozah hnenah a dilsak ih, sumpai hmuhter tul loih ‘bail’ in suahter a si. Hih missionary (10) hin Haiti acozah theihpinak zianghman nei loin nauhak kum (3) ihsin kum (6) hrawng cu ram dangih thiar an rak tum ruangah ‘Nu le Pa nei lo farah nauhak zohkilnak inn’ ih ret an tumnak cu pomsak an si lo.

Missionary pawl cun “January 12, 2010 ih linghnin ah nauhak tampi kum 2 ihsin kum 12 tiang cu kan run suak ih, a tam sawn cu nu le pa nei an si vekin, thuneitu pawl hnenah kan ret saal. Kan duhbik cu Dominican Republic ram ah Haiti ih harsatnak tuartu nauhak pawl zohkilnak ‘Orphanage Home (Farah nauhak inn) tuah kan tummi a si tiah an hotubik Laura Silsby cun a sim.

 US secretary of state Hillary Clinton cun ‘Haiti pawlih tawlrel ding a si’ tiah a ti. Haiti acozah cun ‘sumpai cawh kuanter in, a suahter a si hmanah thla (3) sungah an thubuai tawlrel theh an si ding ih, nauhak firnak a si pang ahcun kum (15) tiang thawng tla thei an si. An thubuai pawl cu Laura Silsby in Haiti ram ah Baptist missionary pawl thawn hnatuan a hohanak ah siseh, nauhak pawl a runsuahnak ah siseh Haiti acozah in a theihpinak cahnah felfaizet a nei maw timi cu an zingzawi lai dingmi a si. Missionary pawl aiawh in thuthennak ih thusimtu Edwin Coq cun ‘tui’ zarh sungah an suahter thei, asina’n thubuai cu a thok fang lawng a si’ tiah a ti. – AP 

Britain cun raalkap nauhakbik mithi hmusuak

Leitlun raalpi vei (2) nak (WW-II) ih British raalkap hnatuantu mithi nauhakbik cu kan dung tlawngkai ninga ni ah Commonwealth War Graves Com- mission cun an hmusuak. Reginald Earnshaw cu kum 14 lawng a si lai ah Navy pawl bawm dingin raalkap a tuan thok ih, acozah cun raalkap hna a tuanter thei cu a malbik kum 15 a si ruangah Earnshaw khalin hotu pawl hnenah ‘kum (15) ka si’ ti’n thuphan a rak per.

Cun, German pawl vanzam in Earnshaw tei’ tonak longpi cu bomb in a siatsuah ruangah July 06, 1941 ah a thi, a thih ni ahcun kum 14 le ni 152 lawng a si. Ahlan ih nauhakbik record neitu cu Raymond Steed a si ih, cupa cu a thih lai ah kum 14 le ni 207 ih upa a si. – AP 

Thla (6) sungah US ah tapung cangvai thei

Kan dung tlawngkai nihnih ni ah CIA (Central Investigation Agents) Director Leon Panetta cun US Congress hmai ah ‘tuni ihsin hmailam thla (3) asilole thla (6) sungah US ram sungah tapung pawlin nasazet in cangvaihnak neih a tum thei tiah a sim. Panetta ih simfiangnak ahcun kan dung kum December thla ih Detroit vanzam siatsuah tumtu pakhat airport ih an kaihmi Nigeria rammi pakhat lawngih cangvaih daan zoh in, caan reipi cu US ram sungah tapung cangvaihnak lamzin dangdang hawlin an timtuah rero zo ti a fiang ti a si. Congress ih member pawl (sena- tor) hrekkhat cun Obama ih hruainak cu a hlan ih tapung pawl kaihkhih lawng si loin, hremnak nasa sawn le dodalnak nasa sawn ih cangvai dingin an forh. Panetta hin Senate Intellignet Committee hnenah US cu ralring ih um dingin a forh. – AP

Hram: Hruaitu LCF

(Visited 41 times, 1 visits today)

Comments

comments

Comments

%d bloggers like this: