US Mipi Santhuanthu Ih Kahthahawknak Rapthlakbik 10 Paw

 US Mipi Santhuanthu Ih Kahthahawknak Rapthlakbik 10 Pawl

Salai V Bawi Lian

US rampi in mahte meithal nei thei ding tiih daan a neih ruangah kum 1949 hnu lamah rapthlak zet ih kahawknak vei 30 lenglo a thleng.

Cumi lakih vei 19 pawl hi kan dung kum, kum 10 sungte ih thleng mi an si. A rapthlakbik pahra pawl a tawinak in tarlang sehla.

1. The Harvest Music Festival: Mi 52 Kapthat
~~~~~~~~~~~~~~~~~~
October 1, 2017 – Kum 64 mi Stephen Paddock in Mandalay Bay Resort ihsin mipi 20000 lenglo Awnmawi Puaipi, Route 91 Harvest Music Festival ih um khawm a kap. Mi 58 a kapthat ih mi 500 lenglo a hliam. Mipi kaptupa hi a mahten a that aw tiin palik pawl in an tarlang. Hihi US santhar thuanthu ih kahawknak nasabik le rapthlakbik a si.

2. Pulse night club: Mi 49 Kapthat
~~~~~~~~~~~~~~~~~~
June 12, 2016 – Omar Saddiqui Matten timi kum 29 miin Orlando ih Pulse Night Club (gay pawl club) ih um pawl a kap ih mi 49 a kap that ih mi 50 a hliam. Palik pawl in hipa hi an kap that ve.

3. Virginia Tech: Mi 32 Kapthat
~~~~~~~~~~~~~~~~~~
April 16, 2007 – Seung-Hoi Cho, kum 23 miin Virginia Tech timi Blacksburg ih hmun dangdang, hmunhnih ihsin mi a kap ih mi 32 a kap that. Mipi kapthattu hi a mahten a that aw ve cih.

4. Sandy Hook: Mi 27 Kapthat
~~~~~~~~~~~~~~~~~~
December 14, 2012 – Adam Lanza, kum 20 miin Newtown, Connecticut ih Sandy Hook Elementary tlawng ah nauhak 20 lenglo kum 6 le 7 mi pawl le upa mi 6 pawl cu meithal thawn a rak kapthat. Akaptu pa in a mah le mah khal a kapthat aw cih ve. Nehhnu zingzoitu pawl ih an hmuh bet mi cu a nu khal meithal kahnak hliam thawn a nunnak a cem ve.

5. First Baptist Church: Mi 26 Kapthat
~~~~~~~~~~~~~~~~~~
November 5, 2017 – Texas khaw fate pakhat ih biakinn fate pakhat ih thilcang mi a siih an khawmnak hmun ih mi 26 pawl cu Devin Patrick Kelly timiin a akap that. Hi kahawknak hi Texas santhuanthu ih rapthlakbik kawhawknak a si. Palik pawl in an kapthat maw amahten a thataw tihi fiang ngaite ih theih ding a um lo.

6. Luby’s Cafeteria: Mi 23 Kapthat
~~~~~~~~~~~~~~~~~~
October 16, 1991 – Texas ih Killeen khua ah kum 35 mi George Hennard in a mawtaw to miin Luby lakphakdawr a pah ih cutin meithal thawn a kap cih bet. Mi 23 a kap that hnu ah amahten a that aw cih ve.

7. McDonald’s: Mi 21 Kapthat
~~~~~~~~~~~~~~~~~~
July 18, 1984 – California ih San Ysidro ah kum 41 mi James Huberty in meithal phunthum; a sauci, a tawi deuh le hlapi kah theinak pawl hmangin nauhak le upa mi 21 rori a kap that. Sml pakhat sung palik pawl thawi an kahawk hnu ah palik pawl in an kap that.

8. University of Texas: Mi 18 Kapthat
~~~~~~~~~~~~~~~~~~
August 1, 1966 – Charles Joseph Whitman US ralkpak ralram ih fehzo pa in Austin ih University of Texas luanglu zim ihsin mi 16 lenglo a kap that in mi 30 lenglo a hliam. Hitih mi pawl a kah hlanah a nupi le a nu khal a kap that. Palik pawl in mi pawl a kahnak innzim parah amah khal an kap that cih ve.

9. High school: Mi 17 Kapthat
~~~~~~~~~~~~~~~~~~
February 14, 2018 – An mai tlawngta a simi kum 19 mi Nikolaus Cruz cun a suahsualnak ruangih tlawng an suah thinheng ruangah an tlawnginn ih tlawngta pawl a kap ih mi 17 in an thih phah. Palik pawl in an kah cih ve.

10. San Bernardino: Mi 14 Kapthat
~~~~~~~~~~~~~~~~~~
December 2, 2015 – Syed Rizwan Farook le Tashfeen Malik tei nupa cun San Bernardino ih Inland Regional Center ah hnatuantu pawl an punkhawm laifang cu an kap ih mi 14 an kapthat. Palik pawlin anni khal an kapthat cih ve. An ni hi nupa neiawpekte an si.

10. Edmond, Oklahoma: Mi 14 Kapthat
~~~~~~~~~~~~~~~~~~
August 20, 1986 – Oklahoma ih Edmond ah cazem theutu Patrick Henry Sherrill in meithal pathum thawn mi a kap ih mi 14 pawl minute 10 sungah a kap that thluh ih amahte kapthat aw dingin a lu ah a kap aw cih ve.

– CNN, ABC, BBC

(Visited 62 times, 12 visits today)

Comments

comments

Comments

%d bloggers like this: