US Mipi Ralrinnak Neih Ding Puang

imageFebruary 23, 2015

BBC – US, UK, Canada um mipi pawl dawr ih feh tikah ralring zet ih thuhla ngaicang dingin US Homeland Security Secretary, Jeh Johnson cun a sim. A hleicein American ih shopping mall tumbik pakhat lakih tel Western ih fetu pawl hnenah a cah hleice.

Somali sirhsan, mi firfiak pawlkom a simi al-Shabab pawl hnen ihsin hringhronak thungai thlak zet ih an don ruangah hitiin mipi hnen ralrinnak neih ding thu an phuannak san a si. An thuhla donnak video ih an sim mi cu US, Canada le UK ih shopping mall pawl ti siat dingih thuhla an forhfial awknak thu a si. An sim mi lakih fiang zet mi cu al-Shabab thapektu pawl hnenah Western Shopping centre ah American lole Jewish mi pawl ih dawr ti siat ding thu a si. Cui dawr pawl lakih an rel mi pawl tla cu US ih shopping mall tumbik santu a simi Minnesota’s Mall, Canada ih West Edmonton Mall, le London’s Oxford Street le UK ih Westfield shopping centres pahnih pawl tla an si.

Al-Shabab pawl hin 2013 ab Somali, Nairobi ih Westgate Shopping mall an rak ciim ih mi 67 an thih phah.#

Comments

comments

Comments

%d bloggers like this: