US lut duh hrangih daan thar

Tui ni ihsin United State sung luhnak ding daan thar cu hman thok a si. An daan tuahmi cu kan dungkum August ihsin tuah a si zonan tui ni lawng in hman thok a si.

Hi form ahcun a ram sungih a lut duh tu hrangah forms cu sml 72 hlan ah dilnak ngan ding a si. Hi daan in ram 35 pawl ih a ram mi pawl hrangah Visa ttul lo ih luh theinak canvo a um ter ding. Australia, New Zealand, Japan, South Korea, Brunei, Singapore le European ram thenkhat pawl khal a huam tel ding.

London ih US consul (ram palai) general Derwood Staeben cun dilnak (application) an theh luh mi pawl hi second 10 hlan ah pom fel (approved) ding a si a ti bet.

A simvivo nakah cun khual tlawngtu pawl hin thu hla dang an form ih an ngan mi hlei cu dil bet leh pholan a tul lo ding tiin a ti.

A thupi bikmi ih kan thlengmi cu a rak um cia mi an thuhla pawl amahte ih rem awk dingle ahlan ihsin rak rem that cia ding pawl hi a si a ti ih, an dil nak form pawl kan letnak ding hrang cu second 4 tluk lawng a rei ding a ti bet.

Khualtlawng pawl online ih an dil nak an pom le pom lo khal simfel lohli a si ding. Ret hrih (pending) mi pawl khal sml 72 sung thotho ah an pom zo le pom zo lo zoh fel sal bet a si ding.

An dilnak an pomlo mi pawl cu US aiawh ram palai (Consul) hnatuantu pawl hnenah Visa an dil a tul ding ti khal in a sim bet.

Hi an ttuannak pawl cu a lak a si ding ih khualtluang thuneihnak pawl khal kum 2 sung a si ding tin a sim bet. A sim vivo nakah cun a hlan ih website tthenkhat pawl ah cun a ttuan man an lak dan an thleng ding a ti, a sinan hi pawl khal cu a lak ih tuah mi a si zo thu khal a sim.

Dilnak hi khualtlawng thu nei tu hnenah ziang tik lai caan khalah dil thei a si. Staeben ih a sim dan vekah cun nikhat ah mi 14,000 lenglo ih dilnak don a si a ti.

Comments

comments

Tags:

One Comment

  1. Kan ram hnak cun a rang deuh dung a bang!

Comments

%d bloggers like this: