US In Leitlun Ram 8 Pawl A Ram Sungih Luh Dingkhamnak Tuah

US rampi cun leitlun ram 8 pawl cu a ram sungah luhsiannak pe nawnlo dingin mizan September 24, 2017 ah an rorelinnrangpi ihsin an suah. Khamnak an rak pek zo mi ram panga pawl lengah North Korea, Venezuela le Chad hi an bet sal. An bet thar mi pawl telin hi daan thar hi October 18 ihsin a nung ding.

A hlan ih khamnak an rak tuah mi ram pawl cu Iran, Libya, Syria, Yemen, le Somalia ram pawl an si ruangah Muslim ram pawl parah US in thleidannak a nei titla in an rak soisel zet. Asinan tui an bet thar mi pawl hi Muslim ram an sihlei cuanglo ruangah US rampi ih luh an sian lo mi hi Muslim lawng a silo timi an tifiangnak a si tiin Whitehouse ihsin thuthannak an neih mi ahcun an tarlang. Ahlan ih khamnak an rak tuah mi ah Sudan ram a rak tel lawknak tu ahcun an telh nawn lo.

Khamnak an pek mi ram pariat pawl cu a tlun lam ih tarlang zo vekin; Iran, Libya, Syria, Yemen, le Somalia, Chad, North Korea le Venezuela ram pawl an si.

Venezuela ram lawng hi an mipi zaten silo, an rampi uktu le acozah thuneitu ih sungkhat unau pawl khamnak pek an si. Ram dang pawl hmuah hnen ih khamnak an pek mi cu ram mipisinak nei zate hrangah a si cih.

US President Trump cun hitiih khamnak an tuah mi thu ah Ahmaisabik  ih thupi cu US rampi himdam te ih a um thei ding hi a si. Ka mipi himnak thuih kan rinsanngam lo mi pawl cu kan ramah kan lut ter hrih lo ding’ tiin a ti.

Trump lalnak hnuai ih ahmaisabik khamnak an rak tuah mi hi tuikum March thla ihsin a siih September 23 tiangih hman ding mi an rak tuah mi a si. An khamnak tuahmi a cem veten tu a thar hi an tuah sal mi cu a si.#

  • Agencies

Comments

comments

Comments

%d bloggers like this: