US le South Korea Vanzam Ralkap Komaw In An Tha An Ticak

US vanzam ralkap mi 1000 pawl cun South Korea Air Force pawl thawn komaw in North Korea ih a cangvaih dan thu ah ralringin an um zo tiin Pacific Command (PACOM) ihsin thu an suah.

Hi tiih an suahnak san khal South Korea ah leitlun ih vanzam ralkap pawl thazaang cahnak hrang zirkhawmnak tuumbik; Max Thunder timi zarhhnih sung nei ding ih an um rero laifang a si ruangah tla a si. Hi an thilzirtlangnak hi April 28 ni tiang Kunsan Air Base timi hmun ah an nei peh ding.

American pawl ih an ken mi vanzam pawl hi 7th Air Force ihsin F-16s, 12th Marine Aircraft Group ihsin AV-8Bs, Electronic Attack Squadron 132 ihsin EA-18Gs timi pawl an rak keng ih South Korea le Japan ih hrambun ih um thluh mi an si tiin PACOM ihsi cun thuhla don a si.

South Korea ihsin cun vanzam ralkap 500 pawl in an tel piih an vanzam hman mi pawl cu F-15K, F-16, F-5E le F-4E pawl an si.#

– South Korea News

Comments

comments

Comments

%d bloggers like this: