US In Zimbabwe Ram Bawm Ding

Mizan sunih US President  Brarack Obama leh Zimbabwe Prime MInister, Morgan Tsvangirai Washington ih an kawm awknak ah US President Obama cun Zimbabwe ram bawmnakih  dollar Million 73 a pek ding thu a sim.

Obama cun dan diktak leh  minung covo diktak hmanthei nakding, harhdam nak leh  fimthiam nak lam hrangah  US cun theitawk suah in Zimbabwe ram cu bawm leh khaisan a tum a si a ti.

Obama cun Zimbabwe Prime Minister, Morgan Tsvangirai cu midik leh mi raltha a siih  Zimbabwe President thawi tuanvo thatei an zem aw thei cu a lungawi pi thu a sim. Obam cun tuihlan ih President Mugabe in sinak leh tuanvo ziangtin kim a rak lak thluh laiah Zimbabwe ram dinghmun cu  a harsa zetih ei leh in zirnak leh harhdam nak lam khalah harsat nak tamzet anrak tong ringring ih, Prime MInister Morgan Tsvangirai thawi tuanvo an zem awk hnu ah cun Zimbabwe ram cun hmailam panin  thanso nak lam zin a zawh thlang ding a si a ti.

Zimbabwe ram Prime MInister, Morgan Tsvangirai cun Zimbabwe ram leh mipi pawl cu theitawk ih tundin sal a tumthu a simin  Zimbabwe ram mipi harsa tuk pawl tundin nak dingah  dollar Billion 10 hrawngcu  tui a ttul pawimawh mi a si a ti.

(Visited 35 times, 2 visits today)

Comments

comments

Comments

%d bloggers like this: