US in Syria Ramah Ralkap Kuat Lut A Tum Lo

US President Obama cun Syria ram buainak tireh nakdingah  Syria ramih ralkap kuatlut a tumlo thu a simih, Obama cun ramdangdang hotu pawl thu neihnak pummawm tumtu an tlak vekin Syria ram President, Assad khal tlakni a nei tengteng ding tiah a sim.  Syria President, Assad hlawnthlak hlanih an ram mipi pawlih tuarnak cun thinlung a tina zet konan  ralkap cahnak hmangih thil relfel tumhi thilfehsual olte mi asi ruangah ralkap cahnak hmanglo khalin Syria ram Cozah cu a tla thotho dingih a zumthu a sim.

Syria ram buainak ruangih minung 8.000 zikte an thihthlang ruangah kum 2008 US President hrilawk nakih Obama rak cuhtu Senator John McCain in   Syria ram buainak ah US Cozah rolhaw thlangih ralkap khal kuatlut mai dingiha Cozah a nawrruangah Obama cun ramdangih ralkap kuatih hautak dan leh sumpai a cemtamzia leh  ram dangih ralkap kuatin America hrangah ziangvek thiltthalo leh sawhkok a neithei timi khal fiangtei zoh hmaisak a ttul a si a ti.

Mizan sun kahlah Syria ram buainak ruangah Cozah ralkap kut tuarin minung 35 an thibet ih himi pawlsungah minung 13 cu Cozah ralkap pawlin an kaih hnuah an hrokah nam in an zaisak. mizan sun thotho ah  Herok khua ih Cozah ralkap leh Opposition pawl do awknakah nauhak 1 leh ralkap 5 an thi.

(Visited 31 times, 1 visits today)

Comments

comments

Comments

%d bloggers like this: