US in Iran Hrembet A Tum

Hamas Tapung Hotu in  US Leh EU Ram Pawl Biak A Duh
 
Mizan sunih Palestinian Tapung Hamas pawl hotu Ismail Haniya in AFP News Agency hnenih a sim nakah ,Palestinian mipi pawlih harsat nak thu relpi dingin US leh Europe ram dangdang hotu pawl biak a duhthu a simih, Leitlun ramdangdang pawlkom pawlhi Palestinian mipi pawlih harsat nak leh tuarnak pawlhi theihthiam pi hai sehla a duhthu khal a sim.y195005727037822
 
Haniya cun kum 1967 ih Gaza leh Isreal in ramri an raktuah zomi vekin Palestinian pawlcun  ram hrante an nei tengteng ding a siih, Hi an ram neih ding mi cinah Jerusalem ih Palestinian pawlih umnak hmun pawlkhal a tel thluh a si a ti.
 
Haniya cun Palestinian pawlin rorel nakding thuhla ih an mah dodal zettu Fatah pawl thaw khalin himi thu ah cun an lungrual thluh thu a simih, Palestinian pawlih dinhmun harsat nak thu reltlang dingin Egypt khal tel sehla a duhthu a sim.
 
Gaza ih Palestinain pawlih umnak ah hin rorel nak cuh awin Hamas leh Fatah pawlhi an dodal awzet theuih,kum 2007 khalah Gaza ih rorel nak cuh awin Hamas leh Fatah pawlhi an rakdo aw zo ih Hamas pawlin rorel nak an co ruangah tutiang Hamas pawlin Gaza ah ro an rel a si.Asinan Gaza hi Isreal, pawlin an mai ramah ruatin  Palestinian pawlih hnen ah thu neihnak an pek duh lo ruangah tutiang an buai rero lai.
 
Taiwan in EU Ram Pawlih Sin Helicopter A Lei Ding
 
Taiwan ram Defence Ministry, Thupuangtu, Martin Yu cun  Europe ram dangdang ihsi ralkap hman ding  Helicopter an leiding thu a sim. Hi an lei dingmi raldo nak Helicopter pawlhi EC-225 leh vansiat tawn cangih mipi pawl runhim nakding Helicopter an si dingtiah a sim.
 
Taiwan Ministry News khalin a sim nakah a reihlan ah  Germany ram Helicopter tuahtu  Eurocopter Company hnenih sin  Dollar Million 111 man  Helicopter 20 an lei dingthu a simih, Taiwan in a ram kilhim nakdingih ralthuam a lei nak thuhla ah China in a kalhki zawngih thu a raksuan ttheu cu ttha a tilo thukhal a simtel.
 
Iraq Bomb Puak
 
 Tuizingah Iraq ramih an khawpi pakhat Karbala ah thihcilh Bomb a puakih minung 8 an thiih, midang 25 lenglo in hriamhma an tuar. Hi Bomb puakih mithi pawlhi an zaten Shia Muslim pawl hlir an siih, an sakhua biaknak thil pawimawh Arbaeen hmangdingih an hmun thianghlin Imam Hussien panih an fehlai ih puak a si.
 
Obama Ih Thusim Mi China in A Let
 
Mizan sunih US Democratic Party Senate pawlin  President, Barack Hussien Obama hnenih  China leh US ram pahnih karlak pehtlaih awknak leh sumdawn tonawk nak titawp a tumleh tumlo an suh nakcu  Obama cun  China leh US in rampahnih karlak ih sumdawn tonawk nakding thutiam an rak tuah zomi cu a theih tawkih pehzawn vivo dingih tawlrel a tumthu in a let, Obama cun ramdang thawi pehtlaih awknak leh sumdawn tonawk nak thutiam raktuah zomi cu  China ram lawng silo in ramdnag khalin US duhdan an thlun theilo ruangih titawp mai ding cu a tumlo thukhal a simbet.
 
Relzo vekin tui naite hrangih sin China in  Internet hmangin US ram siatsuah a tum tithu leh  US in China ram Inn hnen Taiwan ih ralthuam a zuar ding thu ah leh  Obama in Tibet Buddist hruaitu Dalai Lama a ton tumthu pawlah China leh US karlak boruak hi a se cak zetih, Cu ruangah  US Senate Democratic Member pawlin Obama hneih  China leh US karlak boruak an suh ciamco naksan a si.
 
President, Obama ih thusim himi China Foreign Ministry, Thupuangtu, Ma Zhouxou cun a let ciih,  China cun a mai dunak ih China ram hrangih ttha dingih a ruahmi thutluk nak a tuah miih tlunah zohman in an nawr buai theilo tiah a simih, US cun China cu thuphan a puh ttheuih, Internet hmangih US siatsuah tumih a puh nakhal a mai duhnak tuahtum miih thang kam cianak a si tiah a sim,
 
US Ralkap Vanzam A Tla
 
Tihni zanah  US ralkap Vanzam Black Hawk Helicopter cu  Germany ram  Frankfurt thlanglam  Hesse State ih Darmstadt khaw kiangih ralkap hmunpi kiangah a tla ih ralkap 3 an thi. Hi Helicopter hi ziangruangah a tla ti theihfiang nak a um hrihlo.
 
US in Iran  Hrembet A Tum
 
US in Iran hrembet nakding  thu a tuahthar micu UN hnen ah a thlenlut sal zoih, US in Iran hremnak dingih ruahman nak thar a tuahthar mihi  Iran Nuclear thilri tuahnak hmunih hna ttuan tupawl ih thilri caang theilo ih hrensak, ramdang tlawngsuak theilo ih kham, leh an sumpai Central Bank fehtlangih hrentar sak pawl leh thildang tampi a tel.
 
US in Iran hremnak ding danthar a tuah mihi  Tihni sunih Iran President, Mahmoud Ahmadinejad in an Nuclear Programme thuhla h UN duhdan thluntum ih thu sim ruangah  US hin himi danthar a tuah mihi a hmangcihlo dingih Iran Cozah thilti dan a zoh fiang hmaisa ta ding a si,
 
Asina Iran President, in thu a sim vekih UN duhdan ih an Nuclear thilri tuahnak Uranium ramdangih an kuatsuak taktak duhlo a si ah cun US cun hi a dan tuahmi hi a hmangcih dingah zum a si.
 
Hiti vekin US in Iran hremnak ding a tuah rero laiah  US ramih Iran minung thanwgtla pawl leh Iran ramih US ram minung thawngtla pawl thleng awding vekih thuthang umcu US Secretary of State, Hillary Clinton cun thudiklo a siih, thawngtla thlengawknak ding thuhla ah biakawk nak zianghman a umlo tiah a simih, Hillary Clinton cun Iran ramih US minung 3 thanwgtla cu Iran Cozah in a zamrang thei bikin a suah tengteng ding a si tiah a sim.
 
Tui Iran ramih US minung pathum thawngtla lai pawlhi nikum July thla ah khan   Iraq ramih sin Iran ramah an lutih Iran in an rak kaih mipawl ansih ih, Iran cun hi US minung 3 hi an ram zohthup tumah a puhih US cun Iran puhnak cu thu diklo a siih,  an ram minung 3 pawlcu Tlawngsang parih kai menmen mi an si tiah an simve.

(Visited 67 times, 1 visits today)

Comments

comments

One Comment

  1. Pu Khuangliansum na ti tha tuk aw,, na news ngan mi hi siar tlak tak leitlun thuthang tharhlam hlir an si. Na news that dan zoh news chief editor hlun Pu Run Bik pawl ih bawm nak teh a si kei maw ti tiang mipi kan mang a bang thei. Run ti zel aw a tha tuk,,, Siar ringring tu PK.

Comments

%d bloggers like this: