US Ih Mipi Khawmlai Kaptumtu Mipiriantu Pa In Kham

US Tennesse ih biak inn khawm lai mipi pawl tuahmawh thluh tumtu cu anbiak inn sangka ih um mipi riantu (USHER) in a rak ruun him.

Hmaituam phah ih meithal hawi pa cun kum upa le tarlam pawl an khawmnak Burnette Chapel Church of Christ ah a meithal thawn a luh hnawh tum. Asinan mipiriantu pa cun a mawtaw sungih meithal cu la in palik pawl an um hmun ih an thlen hlan tiang hipa hi rak kham in a rak do.

Misual pa hi kum 25 tluk fang ih upa Emanuel Kidega Samson tiih kawh Sudan ram ihsi vai lut mi a si. Ziang ruangah hivek in a cangvai tihi theih a si lo. Asinan a cangvaih dan thu rorel inn ih an phurhter ding mi ahcun hramhram tumnak thawi mithat tum tiin an orh ter ding.

Melanie Smith tiih theih mi kum 39 tluk ih upa pakhat cu misual pa ih mawtaw dinnak kiangah thicia in an hmu. Biak inn ih umtu mi 6 pawl khal hliam tuar in an um. An khawmnak hi kum 60 tlun lam upa pawl khawmnak a si.

Hliamtuartu pawl lakah an pastor Joey Spann le a nupi Peggy khal an tel ve tiah theih a si. A hmun ih umtu pakhat ih a sim dan ahcun an dunglam ihsi meithal puak awn an theih veten tlan uh tiin Pastor pa in a au nan kum upa lam ticu an zaten an tlan suak man lo tiin a sim.#

– BBC

Emanuel Kidega Samson misualpa

Emanuel Kidega Samson misualpa

Comments

comments

Comments

%d bloggers like this: