US Ih Mawtaw Cangsual Ah Chin-mi Pahnih Thi

Tui tlawngkai nikhat zing thlapit ah Ohio ram, Kentucky State of USA ah mawtaw a cangsual ih Chin-mi pahnih in an nunnak a can ih a dang pawlin hliamhma nasazet tuarin sizung an thleng.  Hi, a thi pahnih lakih pakhat sawn cu Salai Thang Lian Mang tiih theih a siih a rualpa pakhat sawn cu a thuhla kimcangin theih a si hrih lo.

Hi, mawtaw hi zianglam nazi 7 hrawng ih cangsual a si. A kiangnai ih hmutupawl cun nga thliarnak ihsin innlam pan ih tlung an si ding an zum. Cun, an cangsualnakbik cu mawtaw mawngtu Salai Lian Awi a ihhmu ruangah a si tiah an sim. Asinan, khawsung palikpawl cun an cangsualnak hrampi cu rittheihthil ruangah a si tiah an sim.

Mawtaw mawngtu a ihthah tikah a hmai ih feh mawtaw pakhat an sawh ih cutin cangsualnak rapthlakzet a thleng cih. Mawtaw mawngtu Salai Lian Awi hi thiamlo co ter in DUI (Driving Under the Influence) timi daan thawn kaih a si thu Tristatehomepage.com cun a tarlang.

A cangsual lai rak hmutupawl cun mawtaw a leh zawngah mi pahnih cu mawtaw sungih sin a leng ah an pet suak tiah an sim. Curuangah seatbelt an rak bun lo ding an zum. An to mi 2007 Honda sungah minung 8 an to ih a mawngtu le a kiang ih totu pahnih cu him dam ten an um.

Mawtaw a leh veten mi pahnih cu an thi cih ih a dang pahnih khal nung ding maw thi ding ti theilo talbuai in a kiangnaibik sizung ah an lut tiah khawsung palik  Tpr. Corey King cun a sim. An lakah mirang tong thiam lo tui baihte ih thlengpek te tla an tel.

(Visited 124 times, 1 visits today)

Comments

comments

10 Comments

  1. pakhalen lal says:

    Si ngai, ziang ti tha a poi tuk aw, an tan ta mi sungkhat hrangah thlaza cam sak cio uh si, kan chin mi ral rin kan ttul tuk, din hmun tthat lo ruangah mai sum tual tan in mi khua le ram kan thlengih kan hmuh dah lo tiangin kan nei thei ih in sersiam tu cung Pathian thei nawn lo in kan tlang leng, ral rin kan tul nasa.

  2. A va poi lawmmam ve aw
    Ziangti tha maw leitlun cu!!
    Hriamhma pu in Zato ih um
    pawl dam suak hai seh la
    ka va duh em ve aw…
    Thlacam sak cio uh si.

  3. USA hi kan Chinmi thihnak a va si so.
    Hihi maw kan duhih kan feh rero.
    Keicu kir thlang men sehla ka ti rero.
    Kan ram teih um kha life assurance a rak ttha sawn

  4. A va poi ve. Harsatnak ruangah mi khua/ram ah hna kantuan,vanduai nak, thlengding zohmanin kan theilo. Khuitawk khalah pt thawn um ring2 tu nasi ah cun…. Nu le pa le a unau pawlhrangah thlacam nak thawn kan bawm cio pei uh.

  5. Francislal says:

    Minung 5 an thi….

  6. vanneizing says:

    poi zet si,nun a tawi zia thei kan cu zo.
    mai duhnak vek ih nung ding kan si lo.
    Bpai duhnak vek ih nung tu ding kan si.

  7. Ziangtitha… a poituk ti lo cu!
    Ramthumnak ih um pawl hrang fimkhurnak ah tla cang ding…

    A thitu sungkhat unau pawl hrangah ka tuarpi nasa.
    Pathian in thlangamnak thawn umpi hram seh.

  8. Thlacamnak in kan mang cio kei uh..Ava pawi lawmman ve

  9. Hm….ziang aw ti tha mw..nungdam ih um pawl kan mah thinlung leh taksa hi kan kil neh awk a tul, khui hmun khal ah.

Comments

%d bloggers like this: