US Ih Ka Dinhmun Diktak

US Ih Ka Dinhmun Diktak

USA ih um keimah ihsin thokin kan zate zikte ih dinhmun diktak run sim fiang ka duh. Mi tampi hrangah sullam neilo a si khal le, :

# USA ahcun paisa hi innsungah a dipdip ih toh hnenhnen men vekih ruat tu ka innsang pawl:

# USA ahcun paisa hi thingpar ah an rah liailiai ih paih caancaan ih va t’awh ciamco men dingih ruat tu sungkhat pawl:

# Email ca tluankhat kuat men in hai zatzat in run kuat ding ti’h ring aw t’heit’hei ringring tu India lamih Bible tlawngkai sungkhat hrekkhat pawl:

# US ih um kan neih si kan khawsung khal Sui hlir kan khat ter ding ti’h mi rinsan zet tu khuapi pawl:
Cupawl hrang talah ka dinhmun diktak an rek theih phahnak ah tiah ka run tar lang:

Kan Dung June thla ih ka sumpai um daan:
Ka hlawhsuahmi zaten $1600 (hi zat hlawh hi Laimi lak ahcun hlawh mal tuk khal si lo tamtuk khal si lo zaaraan fang ka si ve)

Hmannak pawl:
Ka inn saan man $ 450
Ka mawtaw man $ 189
Life Insurance $   50
Mawtaw Insurance $ 122
Thlakhat sung Gas (datsi) man $ 140 (Oilchange+wash+..etc)
Rawlman $ 180
Phone bill $   89
iPad2 3G (at&t) $  49
Internet Router &TV (comcast) $  51
Credit Card Bill (pahnih hrang) $  27
eZpass (Toll pass nak) $ 25
Khawm hlu $  20
Mopuai, naute nei, mithi etc… $ 100
Hnatuannak mawca man $ 16
Kawlram Phone biaknak $  30
Kawhhran ih paisa khon $ 40 (mino fund+ Nubu lungawibawm …etc)
Donation (tu le tu innah an ra) $  20
Hmanmi zatekom $ 1,598
Ka hlawh suah mi $ 1,600
Kutsung ih hleimi $ 2

A tlunta pawl hi lo theihlo ih ka hman mi pawl an si.

June thla sungah mawca siarlo hnipuan dang ka lei lo bet lai.

Hat’huah sii le Sapia le Gel tivek khal kan dung thla ta ka hmang lai.

Kuat fawp lo Zu in lo ka si bet.

Cutin tu ih ka kutsung tang cu fang hnih a si mai.
Ziangtit’ha t’hen hra t’hen khat (1/10) pek ding a um nawn lo.

Innlam nanmah i rak peksak poh uh law.

Nan rinsan hlenhlen mi

Tleu-te

(Visited 69 times, 1 visits today)

Comments

comments

13 Comments

  1. Inn lam pawl hin sumpai nei hnenhnen ah in ruat theu ngai.
    Kan nei ve dah fawn lo.

    Tleu-te ih ngan mi hi kan dinhmun ngaingai a si.

  2. Lua Luai Indiana says:

    A zeee,

    Tleu-te keimah thawn kan bangaw ciahciah ual.
    Ka ti rero.

    In lam in phone ka dawng le cuh paisa cem ti lawnglawng si ko hih.
    Buai zet a si.
    Na ngan dik lawlaw.

  3. Siar a nuam in manhla riai.
    Thu dik hi cu a rak hmaan theu ko.
    Kei khal tui dinhmun hi cekci ka si.

  4. Tleu-te,

    Na ngan dik tuk.
    Na paisa hmannak kimcang ten na tarlang thei.
    Paisa hi cu haidaihawk a thei lo tuk ngai.

    Khalam ih nan dinhmun tla kan theih phah.

  5. Ma Thluai Siangapore says:

    Himi vek ca cu ka siar peih em.

    Himi thawn bangaw zet ual…

    http://chinlandtoday.info/2012/03/hi-2/

    Lungawi

  6. an lo rinsan cu an rak mawh ngai. Sungkhat unau USA, Austrlia tvk um ruangah mi puarthau tampi kan umzo ngai, ziang hman le an fa/sungkhat in an kuat thei hnek fawn lo. Pathian hi rinsan hlenhlen sehla A duh zatzatmi a kuat cun USA feh a ttul lo.
    Cucu AMah Pathian hrilsawntui nun cu a si.

    Curuangah Pathian lawng kan rinsan pei uh. Kaa lawngih rinsan a ngah lo, a taktak ih rinsan a ttul

  7. Mai Sokhlei Par says:

    Tleute,

    Thil a sidan vekten, pheh riai loin na ngan ngam hi na ral a tha tuk ka ti!
    Hi ca hi Kawlramih Chinmi zaten rak siar thluh sehla ka va duh em..!!
    Nangmai zarah khalam dinhmun ka run hmufiang puppi.
    Lungawi tuk.

  8. Tleute
    Leitlun nun hi a va mak ngai ve.
    Hmunpi le hmun nuam ram vek ih um tul ve zik fun.
    Inn lam sungkhatpawl khal hi thin an ti bang duh zet ngai ding si cu

  9. hdawhthang says:

    Ka nu le ke ka nau,le pawl in rak siar ngah ve hngai seh la phone biak tla a nuam deuh ding nan si khawh …..a har tuk “awl lo awl lo USA”

  10. Francislal says:

    Tleu-te cu a va farah ve…

    Nupi tong lo viau ding…

  11. Mai Ram ih um ngam lo thi mai ding din hmun ta zangfah nak ih run suah cawp te te vuivai ah la kel som,,lungawi thiam dan zir le nun dan thiam zir

    a tha sawn ding ti hi si eeee.

  12. a tha get.Kan theih ding thil tul zet a si.

Comments

%d bloggers like this: