US, Florida Tlawngta In Tlawngtapawl Kap; Mi 17 Thi

US, Florida khawpiih Parkland ih tlawng ah tlawngta pakhat in February 14, siimlam 3:00 hrawngah tlawngtapawl meithal thawn a kap ih mi 17 pawl a kap that. A kap tupa tiih an theih mi cu palik pawl in an kai cih.

Tlawngta pawl kapthattu hi kum 19 mi Nikolaus Cruz tiih theihmi a siih hi tlawng ih kai mi asi. A nungcang `thatlo ruangah tlawnginn ihsin an hnawh ih cumi thinheng ruang ih kap mi asi tiin zum a si.

Tlawnginn sung ih tlawngtapawl a kahhlanah a lengah mi pathum a kap thatih cutin tlawnginn sungih tlawngta 12 pawl cu meithal rifle le a pehpeh ih kahtheimi meithal tuum hmangin a kap.

Kum 2013 ihsin tuini tiang US tlawnginn ih meithal kahnak hi vei 291 a thleng zo. Tui thilthleng hi US tlawnginn ih kahawknak lakih rapthlak bik 10 ah a tel ban.#

– BBC, CNN

(Visited 115 times, 17 visits today)

Comments

comments

Comments

%d bloggers like this: