US Boston Marathon ah Bomb Puak; US Mpi Thinphang

Pic: CBSNew.com

Pic: CBSNew.com

Tuizing US Boston Marathon ah bomb pahnih a puak ih mi pahnih in a hmun ah an thih phah cih ih nehhnu ah pakhat a thisal tiin theih a siih mi 144 lenglo thi le hma thawn an um. Hi hliam le hma lak ah mi 25 tluk cu thi ding le nung ding fianglo an siih mi 17 tluk cu tuam hlawm theih fangfang tluk an si tiin CNN cun a tarlang. Mi 30 in 40 lenglo cu kutke kimlo ah a suah ti khal cun BBC cun tarlang ve.

Hi thu thawn pehpar in US a cozah pawl cun misual tulul (terrorist) pawl ih tuahmi a si le silo zohfel dingin hmalaknak an nei thok zo. Presidenet Obama cun hi thu pehpar ih a tuahtu hin rorelnak a phutawk in a ngah rori ding tiin a ti. Ziang ruangah, zo in, hi bomb hi an puah ti cu kan thei lo nan reilo te ah kan thei ding ti khalcun Obama cun a sim bet.

Hi bomb hi tlan zuamnak ih netnak hrikhamnak hmun ihsin yard 50 le 100 tluk ih puak mi a si. A hmaisatu a puak ihsi sekan 13 reilo ah a dang pakhat a puak cihsal tiin New Limited Network cun a tarlang.

Word Trade Center an kah puak hnuih mipi zatlang ih bombpuak um hmaisabik a siih mipi pawl cu thinphang in an um. Misual tulul pawl in US an bitumsal ti langternak ih an hmahruai a si pei maw? tiih rak ruattu khal an um thu New Limited Network cun a tarlang.

The Boston Marathon hi leilungtlun ih tlanzuamnak hlunbik a siih tuikum 2013 ih an zuamnawknak hi a kum 117 nak a si. US Super Bowl sangtu siin US ih lehzuamnak ropibik pahnihnak khal a si. Tui kum ah mi 28000 lenglo in tlanzuamnak an nei ih ram 90 lenglo in mi an tel ih a zohtu, am tluan ih rak tlar aw hi mi 500000 lenglo an si theu.

 

Comments

comments

2 Comments

  1. bomb hna cu ttih hlah, ttih ding atamtuk

  2. Ziang ah tih lo ding ih, ziang mi si na tih thlang bomb na tih lo ah? na molh phah maw si

Comments

%d bloggers like this: