US Boston Marathon A Net Tiang Tlan Sal

4713508-3x2-700x467

April 15 ih US tlanzuamnak Boston Marathon ih bomb 2 puah ruangih anet tiang tlansuak theilo pawl cun hi tlan zuamnak cu a netiang an tlan sal. Hi hmun ih mipi siatsuahnak bomb puak ruangih thi mi pali, China pakhat, US mi vantlang pahnih le hi bomb puahtu misual Dzhokhar Tsarnaev a an dawi nak ih a thitu palik pa pawl hnilhlonak ah hi tlanzuamnak ih anetnak rin hmaihruaitu pawl cun US thantar pahnih le China thanthar pakhat an keng.

Hi tlan zuamnak cu ‘One Run’ tiih hmin pek a siih an thuken ah ‘ A cemnak tiang kan tleng ding’ ti a si. US ih zingzoitu pawl ih an tarlan danah misual Dzhokhar Tsarnaev , arelhnak hmun longfate ih an va kaihnak hmun ah, a bomb puah mi cu US pawl kaihhnuainak ih Iraq le Afghanistan pawl ih doawknak ih thihnak pawl lehrulnak a si tiih a ngan mi an hmuh thu an sim.

One Run tawlreltu Alain Ferry cun mipi pawl lampi ih thinlung tuarnak leh auaw thawng in lampi a khat ih, hi tawk ih hliamtuar dam hrihlo pawl ih natnak le tuarnak khal ka tuarpi ih ka rak theithiampi a si tiin thuthang latu pawl hnenah a sim.

Comments

comments

Comments

%d bloggers like this: