US Ah Laimi Kapthat Aw Sual

Indianapolis: February 17, 2012 zaan nazi 10:30 pm hrawng ah Indianapolis ih um Pu Lian Khuai Peng le Vaal Hei Kung (David Lal) te pahnih cu meithal thawn an kapaw sual pang ih a hmunah an pahnih in an thicih. Himi thilcangnak ah pakhat le khat rem awlo, ngaih awlo nak a um lo ih hleiah a thitu te an pahnih hi sungkhat naizet unau hnen(cousin) tla an si.

Ziang ruangbik ah hivek thil acang ti micu fiangzet in sim a har naan, unau sungkhat deuh pawl in “hnatuan cawlhcaan (Weekend) asi tikah an pu faa te cu  tongaw khawm in thu nuam reltlangnak an nei.

Vaal Hei Kung (David Lal) ih pu Lian Khuai Peng cu US um rei asi bangin a meithal neihmi suah tahrat in a kut ding le dinglo tiin saan awnak (test) ah zian ngaingai (bullet) arak thun ngah pang. Hmakhat te sungah a tupa  zial par ih atlu  hmu veten thinphangnak le siarawnak khat thawn thil tawlrel daan ding zianghman thei nawn lo. Amah le mah a kap that aw asi ding tin zumnak an nei. Pu Lian Khuai Peng cu Hakha khaw hlun Pu Sui Mang (Liamcia) teih fapa asiih unau suahpi  Pi Annie Ling (Washington D.C.), Pu Siang Ceu (Washington D.C.), le Pu Cung Bik Ling (Switzerland) a nei. Vaal Hei Kung cu Yangon ih khawsak mi a siih Pu Thla Peng ih fapa a si.

Himi thu ruangah Indiana um Chin mi zaten an riahsiatpi ngaingai, ziang tik ih a ruak phum ding ti cu ni bikhiah fel mi a um hrih lo. An pahnih ten Indiana Chin Baptist Church(ICBC) ih member an si. An ruak cu Indianapolis Marion County Coroner ah palik pawl ih phurh a siih thu neihtu pawl in zingzoinak an nei fel le veten phumnak neih asi le ding.

Source: ICBC Church Pastor, Group mail

(Visited 73 times, 1 visits today)

Comments

comments

Comments

%d bloggers like this: