UNO Thuhla

United Nations Organization (UNO)

Ting Hlei Thang

HPIM0071UNO timicu remnak le kilvennak leitlunpi ih a um ringring theinak dingah ziaza (daan felfai) thawi kilkhawi le Ram pawlih asangbik thuneihnak ih pawlkawm a si. Hi pawlkawm hi leitlun dinhmun ih a tum bikmi pawlkawm; leitlun miphun tumpipi hnatuan sawngtu pawlkawm pakhat a si.

UN Cin le Daan (UN Charter)

UN ih daan hrampi (Constitution) hi June 26, 1945 San Francisco (USA) ah Ram 50 ih thlahmi palai pawlih hminthut (Signed) mi a si.

UNO Din Ni (Foundation Day of the UNO)

UNO ra suahnak hi October 24, 1945 ih China, France le United Kingdom (hlanih USSR), United States le adang Ram thupi zetzet pawlih UNO daan hrampi lungkimnak lethmat tthut (ratified) ihsin ra thawk mi a si. October ni 24 cu leitlun huap UNO ni a si tin lawmnak puaipi an tuah.

Hmaisabik UNO Rorelnak (First Regular Session of the UNO)

Ahmaisabik UNO Rorelnak cu 1946 January, London le Trygve Lie (Norway) ah tuah a si ih ahmaisabik UNO Secretary khal hril cih a si.

UNO Thantar (The UNO Flag)

UNO Thantar cu October 29, 1947 ih UNO (General Assembly) Rorelnak ah nemhnget a si. UNO hminsinnak Tacik (emblem) cu a rang te’n tuahmi a si ih a dunglam (background) ah a pawl (blue) hman a si. Cui hminsinnak tacik(emblem) ah saklam thuam ihsin leitlunhuap zuk a telih cui zuk cu Olive thingkung zuk
pahnih te’n hnuailam kilkap veve ihsin a hun kulh.

Cumi cu Remdaihnak hminsinnak (symbol of peace) tinak a si. UNO Thantar hi leitlun huap ih Thantar (Flag) niam a si hrimhrim lo.

Tumtahmi le Hmuitinmi Pawl (Aims and Objectives)

(1) Daihnak le kilhimawknak tuah ding.
(2) Mi farah reithei zawnzai bawm ding, natnak do ding le cathiamlo pawl, upat tawnawk dingah a hmanmi le zalennak diktak thawi zirh awk ding.
(3) Ram khat le Ram khat lakih pehtlaih awknak a cah sinsin thei nak ding.
(4) Atlun ih tumtahmi pawl Ram tinih hman a si theinak dingah bawmtu tuan ding.

UNO Sungtel (Membership of the UNO)

Sungtel Sinak (Admission of Members) : Suntel thar pawl “General assembly” ah “Security Council” ih lungkimnak le sungtel sicia tthenthum tthen ih tthenhnih talih lungkimnak in lakluh a si. Sungtel suah asilole cawlhter khalah cuti thotho in a si.

Hngetkhoh Sungtel (Permanent Members) : Security Council ih hngetkhoh sungtel pawl (Permanent Members)panga an um. Cu pawl cu: China, France, Russia, UK le USA an si.

Bulpak thuneihnak (Veto) : Hngetkhoh sungtel (Permanent member) in asilozawng ih Security Council hmangih lungkimnak pek (vote) kha “Veto” tin kawh a si. Cui Hngetkhoh sungtel lungawi thuneihnak pawl khal cu Veto a si.

Sungtelsinak (Membership) : UNO cin le dan ih a lungkim nemhnget mi sungtel pawl 50 an um. 1994 ih sungtel cu 185 an rak si. A hnuai ih tarlangmi pawl hi 1933 ih UNO sungtel pawl an si.

Czech Republic
Slovakia
Macedonia
Monaco
Eritrea
Andorra

1944 ah : USA ih kilkhawi dingih UNO ih a pekmi ram pakhat. Palau, independent pacific miphun thar.

Sungtel Silo Pawl (Non-members): (1) Switzerland (2) Taiwan. Nauru vekih a dang Ram fatete pawl betmi Tonga, Vatican City pawl tla UNO sungtel an si lo.

UNO Pawlkawm

UN in a thiltulmi pawl tuahsuak nakah athupi zetmi ‘Main Organ’ 6 a nei.
· The General Assembly
· The Security Council
· The Economic and Social Council
· International Court of Justice
· Trusteeship Council
· Secretariat

General Assembly (GA)

Headquarters: New York

Sungtelsinak: UNO Ram pawlih sungtel sinak neitu zaten. Cui sungtel pawlin Palai panga ciar a thlah thei, asinan cui miphun cun “vote” khat ciar lawng a nei thei.

Hnatuannak Pawl (Functions): UNO sungtel dang khalin General Assembly ah theihternak (report) a pe thei. Cui thurelkhawmnak pawl cun UNO Daan le Duun hnuaiih “Security Council” thawi peihtlaihnak a nei mi ti lo cu lungkimnak a pe.

Meetings: General Assembly in caanhmanten September zarh thumnak ih tlawngkai nihnih ni ah tawnkhawmnak an nei ringring.

UN Security Council (SC)

Headquarters: New York

Sungtelsinak (Membership): Security Council in sungtel 15 a nei – (Permanent members) Hngetkhoh sungtel pawl (China, France, Russia, Uk le USA) le adang (non-permanent members) hngetkhoh sungtel a si lo mi ih hrilmi pawlin Veto thuneihnak an lungawi pi zet. (Non-permanent) hngetkhoh sungtel asilotu pawl cu General Assembly ih hrilmi pawl an si. Cu pawl cu kumhnih a kim tinten thlengawknak an nei.

Hnatuannak (Function): Security Council cun International remdaihnak le kilvennak tuanvo a nei. Miphun tin, UNO ih sungtelsinak a hril lo, Council hmai ah thuharsa a tuah thei. Security Council cun remdaihnak ah lungkimnak a pe thei ih asilole atulmi a um pang asile cumi remdaihnak ngahsal thei dingin thu a pe thei.

Pursum leilawnnak le Pawlkawmnak Khawngsil (The Economic and Social Council)

Headquarter: New York

Sungtelsinak (membership) : General Assembly ih thupi ih retmi thenthum ih thenhnih pawlih hrilmi Ram pawl ihsin sungtel 54 an tel. Thenthum thenih thenkhat sungtelih hrilmi pawl cu kumthum sung tuan dingih hrilmi an si ih tthenthum tthen ih tthenkhat sungtel pawl cu kumtin cawlh a si.

Hnatuannak pawl (Functions): Pursum leilawnnak le pawlkawmnak cun UNO thawi pehtlainak a neimi leitlun huap pursum leilawnnak, pawlkawmnak, nunphung, fimthiamnak, hardamnak le pehtlaihnak pawl a phur tel theh.

Ramhuap Dingfel thuthennak zung (International Court of Justice) ICJ

Headquarter: The Hague (Netherlands)

Suntelsinak (membership): Security Council le General Assembly ih kumkhua hrang an hrilmi thuthentu 13 an tel.

Hnatuannak (Function) : Cumi in an hmaiih ruahdingmi danvekih thu el-awknak, UNO hleice palai pawl le cui daan vekih a ummi thuhla pawl parah ruahnak tha a pe.
Justice R. S. Pathak, Chief Justice of India, anih hi April 18, 1989 ih ICJ ih hrilmi a si. Amah hi India ih a vawi thumnak himi laksawng pekmi a rung si. A dang pahnih cu Mr. Justive B.N. Rao le Mr. Justice Nagendra Singh an si.

Kilkhawitusinak Khawnsil (Trusteeship Council)

Hruaitu (Headed by) : Security Council ih lungkimih General Assembly ih tuanvo pekmi Secretary General a si.

Hnatuansung caan (Tenure) : Kum nga, cun a tikcu a cem hnu hrilawk salnak hrangih a remcan tiang.

Hnatuannak (Fucntion) : Himi cu UNO ih a cangvaitu, hohatu, hnatuan bawmtu pawl le UNO zungih kaihruaiawknak pi a si.

UN ih General Secretary rak tuan dahtupawl (Secretary Generals of the UN)

Trygve Lie 1946
Dag Hammarskjold (He was killed in an Air Crash) 1953-61
U. Thant 1962-71
Dr. Kurt Waldheim 1972-81
Javier Perez De Cuellar 1982-91 (Two Terms)
Dr. Boutros Ghali 1992-1997
Kofi Annan 1997-2007 (Two Terms)
Ban Ki-moon 2007-Till Date

UNO In Official Ih a hmanmi Tawng Pawl (Official Languages of the UNO)

UNO in official languages ti’h a theihpimi paruk a um:
1. Chinese
2. English
3. French
4. Russian
5. Spanish
6. Arabic

Hminsin: A blogspot ta siarpaih hrangah tin lak a si.

Comments

comments

Comments

%d bloggers like this: