UNHCR In Daan Lo In Malaysia Ah UN Card Pe

1311688800000(July 2, 2015) Kuala Lumpur- United Nations High Commissioner for Refugee(UNHCR) cun rampi acozah hnen ih thuronnak felfai le theihpinak tello in Malaysia ramah UN card a ting leng rori ih a zemsuah mei leh, rampi Immigration Department, Home Ministry le Foreign Affairs Ministry hnenih dilnak nei riai lo ih a cangvaih mei cu donhar a ti thu Prime Minister Department ih Minister pakhat le Parliament ih member pakhat asi mi Datuk Seri Shahidan Assim(zuk ta) in reporter pawl hnenah mani July 2 ih a simtheih thu The Star Malaysia in a tarlang.

Minister cun UNHCR ih cangvaihdaan cu rampi acozah daan pahbal tuk a ti thu le hi daan lo ih a zemsuahmi UN card kaipawl parih a țuanvo lak tum daan cu rel peh vivo in,

“Hi thu hi thu poimawh le a rangtheibik ih relfel dingmi asi ih Malaysia ram ih daan lo ih luttupawl le UNHCR ih daan lo ih card a zemmi card kaipawl cu rampi thuneihnak thawi’ mil in țuanvo lak vivo asi ding” tiah mani tlawngkai nili ah Parliament innpi sung ih reporter pawl hnenah a sim.

Tui’ kum thla hmasalam ah Malaysia, Indonesia le Thailand rampawl cun Tipi parih a tangmi, Rohingya mi 7,000 lenglopawl cu lakluh an tum thu an rak sim zo ih tu ah Malaysia hin hi 7,000 sung ihsi mipum 1,100 tluk cu lalut in a ramțhen Belantik ih Kit le Kedai khuapawl ah umhmun a pe zo.

Mr.Shahidah cun, hi Rohingya pawl cu felfai tak ih zohhliah an si hnu ih daan thawi’ mil ih card pek an tum sung le a karlak ih UNHCR ih daan lo ih Rohingya mi le sa silopawl hnenih card a rak zem zulzo mei cu poi a ti thu a sim.

“Ziangah hi vek in thil a feh thei? Home Ministry le Foreign Affair Ministry hnenah theihternak a țul si” tiah Minister cun a nolh.

” Tu ihsin The National Security Council in acozah theihpinak tello le daan lo ih UN card peknak hrimhrim ah nasa tak ih țuanvo la in a cangvai ding”, tiah a sim. Asinan an thil ti tum daan le cangvaih tum daan cu Minister in a reltel lo.

Hrm-The Star Malaysia

Comments

comments

Comments

%d bloggers like this: