UNHCR In Bio-Data Lak A Thok Rero Zo

Falam Times, Malaysia | April 15, 2012

Malaysia ramsung ah daanlo ih umtu beunakhawl pawl hrang hmin cazin lakkhumnak (bio-data collecting exercise) cu UNHCR in April 9 ni ah Alor Star State ihsin lak a thok rero zo. UN card anei hrihlo tu innsang, mi pumpak (fala le tlangval tvp), UN ah DS ben ding hngak nan kum (18 ) a luan zotu pawl le passport ( work permit ) akai lotu pawl hmuahhmuah cu himi bio-data hmin cazin ngankhumnak ah hmin pek theh ding a si.

Chin-Falam mi bio-data tuah atul tu pawl zaten UN in bio-data hmin cazin lak theh asi theinak dingah FRO cun tithei tawk tan lak in hna a tuan rero asi.UN lam in mah le umnak state tin ah bio-data lak asi hlanah bio-data tuah a tultu Chin-Falam mi le sa zaten FRO zungah bio-data form phih cia tluh theih asi. Fate kum (18) tang a neitu innsang pakhat in bio-data form pakhat lawng phih ding asi. Asinan fate kum (18) tlun lam a neitu innsang cun cui kum 18 tlun lam fale pawl hrangah a hran ten form phih a tul. Form pakhat phih man ah FRO cun FRO zung hnatuannak le mipi hrang a tul daan ih hman ding tiah RM 100 a lak asi. Zozo khal FRO zungih bio-data form a phih hrihlo tu cun a rang thei bikin form ra phih cio dingah sawm a si. 

(Visited 97 times, 1 visits today)

Comments

comments

4 Comments

  1. ziang ruangah Falam in Bio-Data lak ruangah RM 100 a khawng, Hnam dang pawlin le an khawng ve fawn lo,? hruai tu poket maney ding a bang eee.

  2. Van Nei Zing says:

    hruaitu pokek maney hrang sihman sehla pe thei ahcun pek a sual lo ka ti.
    an can cem in nangmah laimi hrang an hnatuan man ngah an sih si, a hran te hman ih kan pek thei lo ah. na pum pe in tuan hnik hman an mah vek in na cangvai thei ding maw si? pek nak tel lo ngah lawng tum cu mi hamtam pawl nundan a si.
    Kan FRO zung hi nei nung zet ruangih ding mi si hlah khaw,laimi hrang tul tuk ruangih duhsaknak nei in din mi hokhaw a si. hnamdang thawn na thim awk lai a si ahcun na hlawhsam ringring ding.
    Na tul tik ih na pan ding mi hmun khal a si.Mai lai mipi pan hna thiam lo phunhnam dang pan ih cawisang tu sihi tih a nung hokhaw. Hruaitu dodal tu si khal tih a nung ngaingai.Kan biak Pathian in a duh lo. An tisual pang hman ah an lairel tu dingih ret mi kan si lo,Pathian hi kan lairel tu ding a si tih thei uh si.Pek ve ding hi mipi pawl kan tuanvo a si.

  3. Van Nei Zing says:

    kan FRO zung hi ding thei nawn lo tabang sehla har nak le buainak tong tu ding hi kan mah falam mi rori kan si ding.tuvek ih hnangam zet ih kan um theinak hi falam mi in duhdaw tu kan mifim hruaitu upa pawl an si. an hrangah thlacam sak nak nei uh si,relsiat awk nak hnak in a sunglawi sawn ding. Na miphun na duhdaw nak hi ziang mi in si na lang ter ve thlang ding.
    duhdawtnak in maw, thazang suah in maw, lungrual nak in maw,
    thazang pek nak in maw, cahram in maw, pek nak in maw,
    thla za cam sak nak in maw ziang bik in si tan na la ve ke.
    hruai tu upa nan zate parah lungawinak relcawk lo ka nei a si,Pathian nih thlawsuah lo pe hai hram seh…AMEN.

  4. Pingback: bio data form - ALL USEFUL DOCUMENTS – ALL USEFUL DOCUMENTS

Comments

%d bloggers like this: