UNHCHR Hotu In Burma Cozah Thu A Kuat

13th August,2009

Phillipines Ralkap Leh Tapung Pawl Kap Aw 

Mizan ah Philipines ralkap leh  Abu Sayyaf Tapung pawlcu nasa zetin an kapaw ih minung 43 an thi.Phillipines ralkap thupuangtu, Maj General,  Benjamin Dolorfino in a sim nakah Philipines ralkap 400 hrawngin  Basilan tikulh ih Abu Sayyaf Tapung pawlih umnak hmunpi cu an siim ih an kahawk nakah Phillipines ralkap 23 leh Abu Sayyaf Tapung minung 20 an thi tiah a sim. 

Phillipines ralkap pawlin Tapung pawl hnenih sin ralthuam meithal leh Bomb 13 an kai ih, Hi an kahawk nakah hin Abu Sayyaf Tapung hotu pahnih Khaiar Mundas leh Furuji Indama  tei pahnih hi an thih leh thihlo theih fiangnak a umlo tiah an sim. Abu Sayyaf Tapung pawlhi Muslim sakhua biaknak ttansan ih um an siih Phillipines ram sungah buainak phunphun an tuat tamzetzo ih a hleice in   Kristian leh ramdang mi pawl parah buainak an tuahtambik a si. 

Hi Tapung pawlhin tui kum January thla khal ah International Red Cross ih hnatuan minung 3 an kaiih, Midang khal tampi ruhlo in mi tampi an thatzo. Phillipines ralkap pawlin Tapung pawl an do nakah tuittum hi ralkap an thih tambik ttum a siih,  an thih tam naksan cu  Tapung pawlin an thuhla an rak theihthup cia ruangah  an rak bawhih hmun leh hmun ah an kap aw ciamco ih Phillipines ralkap palwhin an ralthuam thatha hlapi kahthei nak pawl khal an hman thei nawnlo ruangah a si tiah an sim.

UNHCHR Hotu In Burma Cozah Thu A Kuat 

UN hnuaiih minung diknak leh covo humhim saktu pawl UN High Commissioner For Human Rigths,(UNHCHR) hotu Navi pilly cun  Burma ralkap Cozah pawl hnenah Politics ruangih thawngtla leh Aung San Suu kyi cu ziangthu hman tiamkam awknak tuahter lo ih a zamrang thei bikih suah thluh ding in thu a kuat. 

Navi Pilay cun Burma ralkap Cozah in Aung San Suu Kyi an hrem dan leh an tuahdan cu a bulpak zah umnak leh  zalen nak, diknak a covo palbetsak ih hremnak an pak ringring cu  UN  in a ning tukzo ih tuittum ih thla 18 sung hrem nak an pek betsal lala khal pawi a tithu a sim.  

Taiwan Ram Thlipi  Hraang Dinhmun 

Taiwan ramih Typhoon Morakot thlipi hrang leh ruahsur leimin ruangih harsak nak tuartu pawl runsuahnak  hnatuan dingin  Taiwan Cozah cun tuisun ah ralkap 400 a kuatbet. Defence Ministry thupuangtun cun himi buainak ruangih mipi hrasat nak tuartu pawl runsuak nak hna tuan dingin Cozah cun ralkap 17,000 leh hmanruah ziangmaw zat a kuatzo a ti. 

Himi buainak ruangih mithi cu minung 107 an kimzo ih, Himi hmun vazoh tu an President,  Ma Ying Jeou khalin minung 100 lenglo an thihbet a zum thu a sim. Himi laiah tihni sunah runhsuah nak hnatuan nakih an hman bikmi Helocopter a tla ih minung 3 an thi. Minung tampi tlangsang zimah an kaiso ih ti le rawl ei ding neilo in mangbang zetin an um laiih himi pawl runhsuah nakih hmanrua thabik cu Helicopter lawng a si riangah duhvekin hnatuan cak a theihlo tiah an sim.

Pakistan Leh Afghanistan  Ramih US Politics

(Visited 63 times, 1 visits today)

Comments

comments

Comments

%d bloggers like this: