UNESCO Linguist 30 in Chin Hnam 13 Ṭong le Mizo Ṭong Hi Thinphangpi Zet

images*Literature hi pawlpi pakhatkhat ih hruangkulh sungah THAWNG kan THLAK pang ding ti hi ttihnungbik miangmo cu a si- Linguist Proverb.

B. Lal Lian Thang

United Nation hnuai ih pawl thupi ngaingai pakhat United Nations Educational,Scientific and Cultural Organization(UNESCO) cun Leitlun ramkipih ttawng a phunphunpawl dinhmun an zir fengnak report,’Alas of World’s Languages in Danger  Disappearing ih an tarlandan vekin Leitlunah ttawng a phunphun 6,000-7000 hrawng a um ih ttawng tampi cu hmangtu mal vivo ruangah an thi zo,hrekkhat cu hmangtu um mumal lo ruangih thi zik rero dinhmun khal an si laiah Chin phunhnam 12 ttawng le Mizo ttawng khal hi thi ding phanum (severly endangered) dinhmun ah a tel ve riai.

Wikipeadia cun tulai Leitlun ttawng hi 7000 hrawngin a tarlang ih hipawl lak ihsin 90% cu 2050 kum ah cun an thi leh ding tiah linguist-pawl cun an zum. India linguist-pawl khalin Chin phunhnam ttawng hrekkhat le Mizo ttawng hi ttawng ttha le hnget a si lozia an hmufiang vivo thlang.

UNESCO ih Ttawng Thi Theipawl An Tahdan:

1.Vulnerable:Nauhakpawlin mai innsang lawngih an hman mi, hmundangih an hman lo mipawl.

2.Definately endangered: Mai pianpi ttawng hman sunzawm lo mipaw;tthimnakah nauhak in an tthanpit mi(mother tongue)ttawng an hman sunzawm lko tikah.

3.Severely engangered: Pi le pu pawl, nutar patar pawl lawngihan hman mi le an theihthiam mi ttawngpawl kha tthangtharnonawnpawl biaksawnnak ih an hman nawn lo tikah.

4.Critically endangered: Ttawng hrekkhat hmangtu cu pi le pu ah an cang vivo thlang ih cuih ttawng cu a cancan ah an hmang nan an hmang lem nawn lo mipawl.

UNESCO ih an zirfengnak ihsi an tarlangnak netabik ah cun Leitlun ttawng 6,000 lakah 2,500 hrang cu thi thei(extinet) dinhmunah an ding zo ti a si.

LINGUIST-PAWLIH TARLANGDAN AH CUN:

1.Leitlun ttawng a phunphun lak ihsin 330 pawl cun hmangtu million-khat hnakiin an tamdeuh.

2. Leitlun ttawng phun 200 hrawng cu a hmangtu 10 hnakih mal an si thlang.
3. Leitlun ttawng phun 178 cu milai 10-50 lak hrawngin an hmang.
4. Leitlun tawng phun 51 tla cu a hmangtu pakhat fingfingte lawng an si thlang.
5. San santhum(three generation) sungah Leitlun ttawng 200 tla cu hmangtu mal vivo ruangah an thi zo.
6. Leitlun ttawng phun 538 cu hmangtu um lo,thi thei dinhmunah (critical endabgered) an ding.
7. Leitlun ttawng phun 502 cu hmangtu nei lo zikte(severely endangered)dinhmun an si.
8. Leitlun ttawng phun 632 cu dinhmun se zet(definitely endangered) an si zo.
9.Leitlun ttawng phun 607 cu dinhmun him lo(unsafe) ah an ding thlang.
10. Isle of Man ih ttawng phunkhat Manx cu 1974 kumah a hmangtu umsunNed Madfrel a thih veten ttawngthi ah an puangcih ve.
11. Alaska ih ttawng cikhat Eyak khal 2008 ah a hmangtu umsun Marie Smith a thih hnu cun ttawngthi ah an ret ve zo.
12.Leitlunih ttawng 199 cu milai 10 tluk lawngin an hmang ih a hmngtu an thih cun ttawngthi ih puan ve mai an si thlang ding.
13. Ukraine(tulai ih a buai zet mi ram) ih Karaim ttawng cu milai 6 lawngin an hmang.

14. US state pakhat Oklahoma ih Wichita ttawng khal milai 10 lawngin an hmang ve thlang.

15.Leitlun ttawng hmuahhmuah tthenthum tthenkhat hi sub-Saharan Africa ih an hman mi a si ih hipawl lakah zâ-ah 10 hi cu kan dung kum 100 hrawngah an rak thi zo;hivek boruak an rak tawn lai ah hin Papua New Guinea ih ttawng phunphun an hman mi 800 sung ihsin 88 lawng hi thi thei dinghmun ttihnungah an ding fang a si cu;aumzia ah cun an ttawng an humhual thei nasa tinak a si. (Thudangpi rel duak sehla, hih Papua New Guinea kristian hrekkhatpawl cun Setan in kan khawm tikcu theithiam hlah seh tiah, nazi tumpi 2 kha a cân bangaw loin an herh ih biakinn sungah hmunkhatah an ret kan ti ttheu mi kha an si.) 16.Ttawng thi thei ttihnung dinhmunah India ram ih ttawng 196 cu hmangtu mal tuk thlang ruangih thi thei dinhmunah an ding zo;a sangtu cu US a si ih ttawng 192 cu hmangtu um mumal nawn lo ruangih thi mai ding an si thlang.Indonesia ramih ttawng phun 147 pawl khal dinhmun phanumbikah an ding thlang.

17. Chin phunhnam 13 tawng,thih phanum zetpawl(severly endangered)cu:Bawm, Hrangkhawl,Paite,Thado,Hmar,Anal,Aimawl,Mara,Gangte,Cawhte,Tara,Mizo le Kawm pawl tla hi an si.Kawm hi kan thei ciau ko ding,Manipur ihsin leitlun huapih boxing thiam Mary Kawm tla Chin hnam an rak si. India Linguist-pawlih hmundan tla cun Chin phunhnam ttawng hi thih phanum zet dang khal an um lai hrih.Khiangte,Pautu le Ralte ttawng tla
cu an thi zo ih,Ralte ttawng lawngte hi tubai ihsin Linguist Dr. Lalliani hi Ralte a si ruangah, Ralte ttawng hi an tharthawh nasasal a si hi.

LAIRAM ISSUE PAKHAT IHSIN ZOHTTHIMTLAK MIZORAM:

1.Kum hmaisa sin lamih mual in liamsantu Aizawl mithiam Pu R. Vanlawma khan computer suahpek hrawngih,’t’tawcuk aiah,’tr’ hmang sehla”a ti mi cu mithiam cungcuang L. Keivom in a hmanpi nasa nan, midang zohmanin an hmangpi hai lo;hmansehla zokhal kan theihsakaw thluh an ti ih an ca ngan mi an sunlawihawsakaw thluh hai.

2.Tubai ihsin Bible lettu mithiam K. Lalreia tidan an cawng ciamco mi‘Lo’ ti hi cafang dang thawi kawm ding le ding lo thu ah an bangaw lo cêlcêl nan,a duh in an kawm, duh loin an kawm lo tivek an si
ve hniaihniai Hlanlai Zodi musician Zorampela khan`lo’ ti hi cafang dang thawi kawm lo ding thu ah’ a el hai ih zohmanin an sang thei lo lala.

3. IPA mithiam rawn a ttul lem lo titu mithiam tiawpawlin IPA TONE PITCH hi mai duhzawng ciar ih an hmandan bangaw lo cêlcêl khalah an ca an siarsakaw thluh thotho;kan theihthiamsakawk cun a tawk
an ti mai.

4. Mizo Academy of Letter ih an ngan ttheu mi’nhg’ ti hnaklin Chin calai ih’hng’ ti hi a diksawn an ti mi khal zohmanin an el dah lo; a hman lawng an hmang lo men-na.

5.Hrekkhatin’sorkar tiin an ngan ih hrekkhatin’sawrkar tina, sawrkhar tina, sorkhar tina, an si ruri ciau nan an cangan mi an siarsakaw thluh;kan theithiasakawk cun a tawk an ti. Mizo Academy of Letter-pawlih tidan takah,”Ttawng dik lo ih hman mi a tam tuk thlang ih dik lo khal a um nawn lo kan ti lawlaw a ttul thlang” an ti bangin calai ih zalennak hi Mizoram cun a theithiam ngah zo ruangah bangaw lo cing ih pumkhatawknak(harmoney in diversity)ti hi a takin an hmang thei thlang a si hi. MAW, CHIN KAWHHRAN.

LUBÂNPAWL HIN ZINGTIN RUAT VE PEI?!

Rampi acuzah in thil dik lo a tuah tik khalah Mizoram Synod hi cun ralttha zetin a dokalh ngam nan, literature ah hi cun CAFANG pakhat khala hi kohhran hnuaiih a um ding mi a si lo tiin literature ah hi cun a rawlhaw dah lo lawlaw a si;literature hi kawhhran hruangkulh sungih ret ci a si lo ti hi an theithiam tuk ruangah Mizoram kawhhran lubânpawlih literature hi cu ram le miphun hrangah DAMNAK taktak an tling a si. A kaubik mi calai zalennak hi kawhhran hruangkulh sungah thawng kan thlak pang ding ti hi ttihnungbik miangmo cu a si.

CHIN PHUNSANGTLAWNGSUAKPAWL HI KAN TTAH-HNAWH HAI:

Leitlun ram tampi le Mizoram khaw tumdeuhpawl khalah cathiampawl zawmkhawmaw ih an din mi:Mizo Academy of Letter le Writers Club tivek bang hin Leitlun ramkip ih um kan Lai/Chin phunsangtlawngsuakpawl hin writer club hi in dinsak ciau thei hram sehla cabu a phunphun hi in lehsak hai sehla’zawi van hai lo tein’ tiah thlaza cam ciau uhsi law. Leitlun ramkip ih um kan rinsan mi kan Chin cathiamsangpawl hin an umnak ram ciau ihsin SYMPOSIUM a phunphunin in hruai hai sehla tiah thlaza camsak hai uhsi law. Karik(Greek) miphun cu Rom cuzah in an neh ih an uk hai ko nan,karik cun, neh mi si cingin Rom kha literature-zawnginan neh thei riangri a si kha;curuangah Karik calai cu Bible ngannak le Leitlun fimnak tinkim zirnakah a hung cang lanta dah a si hi. Ramkip ih um kan rinsan mi Chin phunsangtlawngsuakpawl hi ramkhelhnak le biaknak lamah pumpeaw an um thei ti khal kan thei ih a lungawium tuk rualrualin, ngunnam le meithal hnakin calai(literature club) cun ram le miphun a kilkhawi theisawn ti a si kha maw!

BIBLE LETTUPAWL HI MIPHUN HUMHUALTU PAWIMAWH HLEICE AN SI:

Chin phunhnam tawng a hlo vivo ih Mizo ttawng khal thih ttihnung zetih a ding thlang ti an theih cun Mizoram mithiam tinkim telkhawawin,”A collection of National Seminar papers on Mizo Language: Contemporary Chanllenges and Prospect,organised by Depertment of Mizo,Pachhunga University College…ah beihpi an thlak natsat ihsi cun Bible VERSION a phunphun in lehsaktu mi 4-pawl hin IPA calai fehdanin in lehsak thei hai sehla, kan ttawng hi Leitlun miphundang khalin in theihsak thei ding ih kan dingkhawsuak thei ding” tiah Mizo linguist-pawl cun an ngen nguaingo hai a si.##

Comments

comments

One Comment

  1. Na ngan ttha nasa, cangan ropi kan tuah lai ah siartu ropi kan tuah phah a ttul ve in ka hmu. Mizo khi calai, cangandan pawl Kawhhranpi in ti tteittei in kai lo vek bang khalsehla an Ttong cu an kengkawh ringring. Ttong a cah cun Calai cu a cak tengteng ding. Kan ttong ih zangruhpi cu a mipi le calai a si. Kan ttong cu kan hrangah cun ttongdang hmuahhmuah aicun a thupi. Kan mipi lakah kan ttong, hla, calai uar uh tiawk Kan ttul lai ah cun hnamdang ttong, hla, ca pawl cu Tlawng ih kan zir lawng ih tawk hrih seh. Kan tlangcabawm, kawhhran, pawlkom ,tvk,.. ah kan mipi hnam dang ttong, ca,le hla cu a ngan,siar,sak, ttong, le forward in zirter, hmuter hrimhrim lo ding.

Comments

%d bloggers like this: