UN Security Council hrilawknak ih a tlingtu ram pawl

AP| October : UN Security council sungtel hrilawknak cu neih sal a siih, Japan cun Iran cu neh in sungtel menmen (non – permanent) sinak a ngah, Australia le Turkey khal cun Iceland cu neh in sungtel si theivenak cu a congah ve.

UN in Iran ram nuclear tuahnak hmanrua a tuah ruangih khamnak (sanction) a pek ruangah a tlin lo khal an zum zet. Iran hin vote 32 lawng a ngah ih cu laiah Japan cun vote 158 a ngah.

European ram ihsin palai menmen si theinak cu Australia le Turkey cun Iceland cu nehin sungtel ram 15 pawl ih vote thlaknak in an co thei. Sungtel men sinak hmun hnih a ngah tu Mexico in, Latin America le Uganda pawl cu a aiawh tel ding.

Tuikum UN sungtel menmen sinak vote an thlak ih an hmuh zat cu Australia in vote 133,Turkey in vote 151,Uganda 181 le Mexico in 185 tiih an ngah thu General Assembly president Miguel d’Escoto Brockman cun a phuang.

Sungtel si ding in member hmun thum then ih hmun hnih ih lungkimnak le vote hmuh a ttul tengteng.

Japan UN ambassador Yukio Takasu cun an ram ih duhsaknak an conak parah a lungawi thu a sim ih Kawlram thu hla khalah mawhphurnak an nei ve thu a rel tel bet.

UN Security member ram 15 sung in ram 10 pawl cu kum 2 voi khat tiin an thleng aw theu. A sinan sungtel hngetkhoh (Permanent member) a si mi ram 5, Britain, China, France, Russia le United State pawl cu an thleng aw ve dah lo.

Hi hrilthar mi ram nga pawl in January thal ihsin rorelnak an nei thok dingih, Belgium, Indonesia, Italy, Panama le South Africa pawl ai an awh ding.

A dang ram 5 pawl cu kan dungkum ah hril an si zo Jan 1, 2010 tiang ro an reltheinak an nei ding. Cui pawl cu Libya, Vietnam, Burkina, Faso, Costa Rica le Croatia ram pawl an si.

UN Security council hin leitlun ramtin ih daihnak ti se thei dingih an ruah mi thu pawl ah rorelsaknak an nei ttheu.

Comments

comments

Tags:

Comments

%d bloggers like this: