UN Secretary General Ban Ki-moon Kawlram Rorelnak Innpi Ah Thusim Ding

UN secretary General Ban Ki-moon cu Kawlram ah ni 3 sung cam ding ah ramsung a thleng zo. Thei Sein thawn an kut an kai aw zo ih thaisun (Tuesday) ah Suu Kyi thawn thurel tlangnak an nei ding.  2009 ahkhan Ban Ki-moon cu kawlram ah a rak tlawng dah nan Suu Kyi a tawng ngah lo.

Ban Ki-moon cun tlangpar mi le Kawlram ralkap buainak thu khal ngaihven a tum cih. Leitlun ih bing hmuan kaubik ih langban Shan state lam khalah a feh vivo a tum thu a sim. Sunday ni ahkhan 1961-1971 ih UN secretary rak tuan U Thant ih thlan khalah feh in upatnak a va pe.

Ban Ki-moon hin Kawlram parliament (rorelnak innpi) ah thusimnak a nei ding. Hivekih ramdang Kawlram rorelnak inn ih thusim ding hi tuitum hi a hmaisabiknak a si lai. Ban Ki-moon cun Kawlram thatlam a pan vivo nak parah lungawithu a sim.

(Visited 38 times, 1 visits today)

Comments

comments

Comments

%d bloggers like this: