UN Secretary-general Ban Ki Moon Kawlram Ah Feh Leh Ding

Irrawaddy | January 27

United Nations (UN) secretary-general Ban Ki Moon cun a advisor Vijay K. Nambiar thawn Kawlram ah a reihlan ih a feh ding thu January 25, tlawngkaini thum ah a rel.

“ Kawlram hruaitu pawl thawn ramthu le pursumleilawnnak thu relkhawm dingin a rei hlanah Kawlram ah ka feh ding. Ka advisor Vijay Namniar khal fulltime rori in a bik ih UN hrang Kawlram le UN lak ih palai si ding ah ka ruat cih ding.” tiah a rel.

Ban cun Kawlram in democracy lam hawi ih a remthatawknak ah UN khal in tampi tangkainak an neih thu a rel tel. “ President U Thei Sein ih hohami Kawlram cowzah in ramthukhel ruangih thawngla pawl a suah thu ah le remthatnak a fehpi vivo mi parah ka lungawi in thazang khal ka ngah.” tiah a rel bet.

Ban Ki Moon hi Kawlram ah veihnih a feh zo ih tu’itum a feh leh asi ahcun Kawlram mipi hrangah lungawium zet a si ding ih Kawlram in democracy lam hawi ih remthatawknak a fehpi mi khal tampi hmasawnnak a um thei vivo phah ding a si.

(Visited 33 times, 1 visits today)

Comments

comments

Comments

%d bloggers like this: