UN Secretary – General Ban Ki-moon In Kawlram Thuneitu Pawl Hnen Ah Raldaihnak Dil

ban-ki-moon_32YANGON : Kawlram cozah cun, kan dungkar ah khan Kachin pawl thawi kahawknak cu tawp ding in thusuah an tuah nan, tuini tiangah cumi an kahawknak cun rehlam a pan thei caunglo ih, kahawknak a um ringring thotho. Cumi thuthawn pehpar in, UN ih General Secretary Ban Ki-moon cun, kawlram cozah thuneitu pawl hnen ah, Kachin ram raldaihnak ding a duhthu asim thei. Ban Ki-moon cun, “Khatlam le khatlam remdaihnak thaten tuah a tul thlang ngaingi ti cu fiangten a lang. Curuangah, UN khal in Kawlram sungih daihnak a um ding hi kan duh ngaingai asi.

Cozah le Kachin ralkap thuneitu pawl karlak ih lungrualnak cu kan hngak nasa” ti in asim. Culai ah, China ram ih ralkap hotu, Chinese Liberation People’s Army ih duputy chief of general staff Qi Jianguo le Pu Thein Sein khal kan dungzarh sungah Yangon ah tonawknak an neih thu theih asi.

Cutawk an tonawknak ah cun, tui Kachin thuthawn pehpar in China ram ih hmuhdan thusuhnak an neih tik ah, “China cozah cun mi ramsung thubuai ah a hrawlhaw lo ding. Asinan, ramri kiangkap ih buainak ah cun, kan ram thawn a pehpar theimi thil asi ah cun a tuldan ih zirin kan cangvai ding” tiin asim. Kawlram cozah in Kachin ralkap a kap nawnlo ding ti ih thusuah a tuah ih reilote ah Kachin ramthen ah kahawknak cu a thleng leh sal thotho asi. Free Ranger Burma (FRB) thuthang vek asi ah cun, Tlawngkai Nikhat tiang an kap aw rero ti asi. Curuangah, Pu Thein Sein ih thusuah mi hi zum a vatlak lo ve ti hi mipi thusuhmi tumbik asi thlang.

Comments

comments

Comments

%d bloggers like this: